2 Mart 2021 Salı 05:39
vakko
vakko

La emportansa del “Syete” en el Judaizmo i en otros kampos

Dora NİYEGO Judeo-Espanyol 1838 görüntüleme
10 Haziran 2020 Çarşamba

1-Shabbat es el sieten diya de la semana.

2-Ay syete semanas en el rekuento de Omer antes de Shavuot (Levitiko 23:15).

3-En Israel, Pesah i Sukkot se fiestan syete diyas.

4-Kada syeten anyo, la tyerra se desha a repozarse, en Shmita (anyo sabatiko).

5-Despues de syete siglos de Shmita, tenemos un anyo de Jubileo (Yovel) (Levitiko 25:8).

6-Kuando un paryente serkano se muere, mos asentamos syete diyas de Shiva.

7-En Sukot, mos asentamos syete diyas en la suka (kabanas)

8-Yitro, la primera konverta al judaizmo, teniya syete nombres diferentes i syete ijas (la una de eyas se kazo kon Moshe Rabeno).

9-Moshe Rabeno nasyo i muryo en el mezmo diya (el syete de Adar).

10-Muestras Sukas son vijitadas por syete personas - Abraham, Itshak, Yaakov, Moshe, Aaron, Shlomo i David.

11-La Menora en el Templo tyene syete brasos.

12-Ahashverosh, el rey de Persia, en el mirakolo de Purim selebro la fyesta por syete diyas (Ester 1:5).

13-Ay syete fyestas en el anyo judyo: Roshashana, Yom Kippur, Sukkot, Hanuka, Purim, Pesah i Shavuot.

14-Aparte las 613 mitzvas, los savyos adjustaron syete otras.

15-Ay syete Nachidas Leyes por toda la umanidad. Syete mitsvot bnei noah.

16-En kada boda judiya, se resita syete Berahas (Sheva Brachot).

17-Kada Shabbat, se yama syete personas para resitar la Tora (Aliyot).

18-El primer verso de la Tora kontyene syete palavras.

19-Muestra madre Leah tuvo syete kreaturas: sesh ijos i una ija.

20-Uvo syete diyas de aparejo en la konstruksyon del Tabernakulo en el dezierto (Levitiko 8:35).

21-En muestra tradisyon, la novya torna syete vezes alrededor del novyo debasho la Hupa.

22-Aboltamos el Tefillin syete vezes alrededor del braso.

23-Moshe Rabeno fue la syetena jenerasion despues de Abraham.

24-Kada plaga en Ejipto kontinuo syete diyas.

25-El Faraaon vido syete vakas i syete tayos de grano en sus eshuenyos.

26-Kada un rankontro bibliko kontinuava syete diyas.

27-El Dio kreo syete nivelas del syelo.

28-En Shabbat i en las fyestas, en la Amida, resitamos syete berahas en kayadez.

29-La tyerra de Israel es alavada por los syete produktos ke kresen aya. Trigo, sevada, uvas, granadas, igos,  azitunas i datile.

30-Ay syete kontinentes en el mundo.

31-Las syete semanas de Omer koresponden a los syete "sefirot" ke son las syete formas de komporto a muestro Dio: la buendad, la fuersa, la ermozura, el trionfo, la splendor, la amistad i el reynado.

32-Noah embiyo la palomba i el raven afuera de la barka por syete diyas, para ke se ambezen las kondisyones del klima.

33-Syete nasyones gerreyaron kon Israel: los kananeos, los hititas, los hivites, los amorreos, los perizzites, los jebusites i los girgashites.

34-En diya de Kipur, el Grande Klerjio aroza la sangre en el Templo syete vezes (Levitikus 16).

35-El anyo muevo Judyo kaye al syeten mez - Tishri (Levitiko 23-24).

36-En el kalendaryo lunar judiyo, en kada dizimueve anyos, ay syete anyos bisietos – Adar, VeAdar.

37-En la eskala de muzika, ay syete notas

38-Un Kohen kale ke se tope en el enterramyento de sus syete parientes: padre, madre, ermana, ermano, ijo, ija i marido u mujer (Levitiko 21:2).

39-En la fiesta de Simha Tora, echamos syete tornos.

40-La mas chika mezura de una Suka es syete por syete manos de anchura.

41- En el mundo, ay syete mares.

42-Yeshua, al puevlo judyo lo izo tornar syete vezes alderedor de las paredes de Yeriho, antes ke kaygan las paredes.

43-Yaakov lavoro syete anyos por kazarse kon las ijas de Lavan (Genesis 29:27).

44-El Bet-hamigdash tyene syete puertas de entrada.

45-Kada diya, antes i despues de la Shema, resitamos syete berahas, tres la demanyana i kuatro la noche.

46-En el Talmud, ay syete mujeres profetas: Sara, Miriam, Debora, Hanna, Avigail, Chuldah i Ester.

47-Un judiyo esklavo puede ganar su libertad en el syeten anyo (Exodus 21:2).

48-Eskapamos las orasiones de Kipur en dizyendo syete vezes "El Senyor es el Dio".

49-Despues de una boda judiya, azemos syete diyas de selebrasyones (Sheva Brahot).

 

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın

İLGİLİ HABERLER

İLGİNİZİ ÇEKEBİLİR

GZ

MOZOTROS AİLESİ

MOZOTROS AİLESİ

TÜNELİN UCU

TÜNELİN UCU