24 Haziran 2021 Perşembe 16:21
Mett Hotel
Mett Hotel

Un Dialogo entre dos amigas del Grupo Sentro Sefaradi: "Berendjena" o "Merendjena"?

Judeo-Espanyol 2264 görüntüleme
10 Haziran 2020 Çarşamba

Ida Benromano

Yo so de Idarne (Edirne) i so de los ke vinyeron de alkavo a Estambol. A vezes ya me yaman KAZALINA... I en esto tenemos uzansas, amigavles entimos kon los vizinos Turkos.

Vendre a la "B" o "M"erendjena...

Antes 15 anyos, kuando se murio la tiya de mi vizina, i ke era también mi pasiente de anyos, les dishe ke keriya azerles la komida del MEVLUT (meldado)... I akseptaron...

Les ize Arroz (ke es nesesaryo), Karne de Pulí komo savemos i RULIKOS de MERENDJENAAA... i bevedura...

Los ke vinieron al 'Mevlut' enkantados de la savor rika i de la prezentasyon... I ansina patladeyo Rulikos de Merendjena...

Seguro ke tomaron la resefta... Kon el nombre orijinal. A vezez, en kuando mos enkontramos kon los parientes de mi vizina, me dizen ke la savor dainda la tienen en la boka...

Kerida Eliz, komo dizes, La Merendjena tiene sien modos de gizar... I en este rekuerdo las primeras aktrisas son Las M(B)ERENDJENAS i EL GIZADO SEFARADI... Baruh Hashem...

 

Eliz Gatenyo

Kerida İda, ke ermozo ke eskrivites la istorya de la B (M)erendjena. Komo dizes, ke seya Merendjena o Berendjena es una zarzavat muy savroza kon kondisyon ke se gize komo se deve. Si no, tiene una savor muy “bova”. I yo te kero kontar una estoryika ke me afito kuando yo era chika. Kreyo ke teniya 12-13 anyos. Mi mama iva azer rulikos de berendjena. Estavamos en la kampanya. Le dishe, ke ay mama, yo kero azer esta komida. Bueno, disho mi mama. I yo kon grande guste korti las berendjenas komo kordelas bien delgadas. Las friyi. Kuando vino la sira de embolverlas, emposivle por ke se estavan avriyendo. Dos yerros ke ize: 1. las korti muy delgadas, 2. las friyi muncho i se izieron duras. Ke vo azer? Pishin tomi ilo de kuzir i las ati komo paketos a unas a unas. La mama se estava soflamando. Neysa, ya se kozyo la komida, tomi una tijera i korti los ilikos i los kiti. Al pareser ke me olvidi un ruliko sin kitar el ilo, a la noche en la meza a ken kayo este? Al chini de mi papa. Me averguensi muncho i me salyo la “foya” en medyo!

 

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın

İLGİLİ HABERLER

İLGİNİZİ ÇEKEBİLİR

Şalom TV GZ

MOZOTROS AİLESİ - İrvin Mandel

MOZOTROS AİLESİ - İrvin Mandel

TÜNELİN UCU - İzel Rozental

TÜNELİN UCU - İzel Rozental