26 Ekim 2020 Pazartesi 16:17

Djudios en Irlanda

Metin DELEVİ Judeo-Espanyol 2924 görüntüleme
10 Haziran 2020 Çarşamba

Munchos mansevos i mansevas se estan indo a diversos paizes para estudiar o para bivir. La grande parte estan preferando el Norte Amerika, i otra parte la Evropa. Ma ay syertos ke estan preferando la Irlanda. Kije ambezarme un poko sovre la istorya de los djudios en Irlanda. 

El egzilyo del puevlo djudio mos dispersyo a todas las partes del mundo. Los djudios bivyeron i establesyeron komunidades en Evropa, China, India, Asia Sentral, Afrika, Amerika del Sud, Amerika del Norte, Australia, ets. I syertos se establesyeron en la Irlanda. 

El primer rekonosimyento real de una prezensya djudia en Irlanda fue en 1232, kuando el rey Enrique III le dyo a Peter de Rivall el ofisyo de trezorero i kanselor del Ministeryo de finansas de Irlanda, los puertos i la kosta del rey, i tambyen "la guardia del djudaismo del rey en Irlanda". Malgrado esta situasyon i onores, en 1290, todos los djudios fueron ekspulsados del reyno inglez, ke inkluiya Irlanda.

A la fin del siglo XV, "Anusim" (djudios ovligados a guadrar su djudaismo achakes de la Enkizisyon Espanyola) empesaron a establesersen en la Isla Emerald, en el norte de Irlanda. En 1555, William Annyas, un djudio, fue elejido Mayor de Youghal, Cork County, la segunda mas grande sivdad de Irlanda de akel tyempo.

Uno de los djudios mas famozos de Irlanda fue Robert Briscoe (1894-1969), ke se izo el Mayor de Dublin, la kapitala de Irlanda, en 1956. Aktivo en la IRA (armada illegal de Irlanda kontra los Inglezes) i Sinn Fein (partido legal de la IRA) durante la Gerra de Independensya irlandeza, Briscoe era un nasyonalisto ke insistiya ke ser djudyo era aparte i no teniya dar i aver kon ser nasyonalisto Irlandezo. Desde 1993, el Sentro de Imigrasyon Isla Emerald, kon sentro en Nueva York, patroniza los Premios Briscoe anuales, ke onoran a los lideres djudios por sus lavoros para mijorar la vida de los imigrantes irlandezos en los Estados Unidos. Un djudio irlandezo ke se izo un lider para el puevlo djudio kon su famoza karyera en La Fuerza de Defensa de Israel (i anterioramente durante el mandato britaniko) fue Chaim Herzog (1918-1997). El sejen prezidente del Estado de Israel nasyo en Belfast i se engarndesyo en Dublín, ande su padre, el Rabino Isaac Herzog (ke, mas tadre se izo el segundo Grande Rabino de Israel) era el Grande Rabino de Irlanda.

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın

İLGİLİ HABERLER

İLGİNİZİ ÇEKEBİLİR