1 Mart 2021 Pazartesi 23:09
vakko
vakko

De ande para ande

Silvyo OVADYA Judeo-Espanyol 1885 görüntüleme
10 Haziran 2020 Çarşamba

Topi en la komputator aun e-mail ke datava de  sesh anyos antes adresado a Klara Perahya, Karen Şarhon i Şeli Gaon demandando ken era la patrona de la oja de judeo-espanyol del Şalom i embiyando un artikolo sovre el Konserto de Pinchas Zuckerman. I en este mesaje estava prometyendo a Klara ke iva empesar a eskrivir para el Şalom. Empesi a eskrivir en el Desembre 2014. I kreo ke eskrivi kada semana.

   La semana pasada si melditesh el Şalom i la oja en  judeo-espanyol no topatesh mi artikolo. De ke? Vos va kontar. Unos kuantos diyas antes de la publikasyon de la gazeta Karen estava muy kontente porke tres mansevos (entre 21 i 43 anyos ) keriyan eskrivir para el Şalom en judeo-espanyol. I se estava keshando ke no tyene lugar en la oja. I le dishe si ay mansevos o mansevas ke keren eskrivir en muestra lingua te esto prometyendo ke va achetar de eskrivir kada dos semanas. Porke syertos amigos se estan aravyando kuando sus artikolos no fueron publikados! Yo no esto pensando de la misma manera. Fui muy kontente de ver los artikolos de Haymi Behar, Kenan Cruz Çilli i Nesi Altaras. Tres mansevos ke kijyeron i ke keren eskrivir en muestra lingua. Mizmo la razon no es muy emportante para mi. Si keren una etiketa komo kualo saven eskrivir en esta lingua! No es emportante. Kreo ke munchos akademikos no tyenen en sus CV’s una etiketa komo avla i eskrive en Judeo-Espanyol; mizmo ke es uno de los eskrivanos/as del Şalom.

   Seash los bienvenidos; Haymi, Kenan Cruz (ay bastante tyempo ke esta eskrivyendo artikolos) i Nesi. Reelmente es una maraviya para mozotros si vash a reushir a eskrivir durante un largo tyempo (a lo manko unos kuantos anyos) mizmo una vez al mez.

   Sesh anyos antes kuando empesi a eeskrivir por el Şalom reelmente teniyamos muy poka djente ke eskriviyan. I de vez en kuando teniyamos mizmo syertos artikolos ke mos venian a mankar. Tres anyos antes,  despues ke pyedrimos a Klara Perahya es Karen ke fue la editora de esta oja. I mizmo kon Karen syertas semanas estavamos en el limito de artikolos.

   Es despıues ke tuvimos sedutas para las dichas i proverbos i ke munchos i munchas personas vinyeron al Sentro, tuvimos mas i mas personas ke empesaron a eskrivir. I este modo syertos mos apuntimos “de ke este semana mi artikolo no fue publikado”. Antes Karen asperava los artikolos de syertos/as para pueder organizar la oja. Kuando tuvo munchos artikolos empeso a dizir: "no kale kedar tadre”. Yo esto muy kontente del punto aktual de los artikolos en Judeo-Espanyol. I kreo ke esta semana vamos a tener dos ojas en Djudesmo.

   Kero rengrasyar a todos los ke mos ayudan para ke muestra lingua kontinue a bivir. I devemos de rengrasyar a Karen por sus esforsos para el semanaryo, para el Amaneser i para todo modo de aktivitades ke estamos realizando.

Kenan Cruz

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın

İLGİLİ HABERLER

İLGİNİZİ ÇEKEBİLİR

GZ

MOZOTROS AİLESİ

MOZOTROS AİLESİ

TÜNELİN UCU

TÜNELİN UCU