Flores Endemikas en Turkiya en Peligro de Ekstinsion "YİTİK LALE" – “TULIPA BRACHYANTHERA"
La flor fue deskuvierta por la primera vez por el bahchevan Aleman Muhlendorff ke bivia en Amasya, Turkiya.
La ermoza planta de tulipa, en 1892, se embio a Napoli, Italia, despues de ser arankada de la tierra en Amasya, a la firma Alemana "Damman and Company", enkavesada por su proprietario, un botaniko, Carl Ludwig Sprenger.
Sprenger embio, a su torno, la planta a un botaniko Inglez, John Gilbert Baker.
En 1894, Baker, para onorar Sprenger de su djesto, presento la tulipa luzya al mundo sientifiko komo "Sprenger tulipa".
Dos anyos pasaron. En 1896, John Manissadjian, ke era el profesor de fizika i botanika en Merzifon Amerikan Koleji en Turkiya, se enkargo seriozamente de pueder suivar i kultivar esta espesia presioza, un spesimeno kultivado en MANİSA. Mando bulbos a la Olanda.
Si vos interesa saver mas konsernando esta planta, puedesh bushkar: YİTİK LALE - TULIPA BRACHYANTHERA
Despues de 123 anyos, Yitık Lale retorno de la Ingletierra, se planto en Amasya, Merzifon, en su pais natal, grasias a la Fundasion TEMA. El projekto de 2015 fue yamado:
"Gurbetten Sılaya Döndü"
Retorno del Egzilio a la Patria
Alegrias en la naturaleza...
