2 Mart 2021 Salı 05:03
vakko
vakko

DEKE HITLER NO LOS KERIYA BYEN A LOS JUDYOS

Dora NİYEGO Judeo-Espanyol 4684 görüntüleme
15 Temmuz 2020 Çarşamba

Hitler kreyiya ke los alemanes eran de sangre pura, ke eran la raza ariya i los konsiderava a los judyos komo la rasa la mas basha. 

Otra razon por su odyo era ke Hitler estava averguensozo de su erensya judiya. Su nona aviya lavorado en una kaza judiya, i tuvo relasyones seksuales kon un miembro de esta kaza. El padre de Hitler fue rejistrado komo illejitimo.

Otro rumor era ke Hitler aviya apanyado la hazinura ‘nero-sifilis’ en Viena de una prostituta judiya. Esta hazinura puede provokar lokura. Segun el psikiatristo Dr. Bassem Habeeb, esta hazinura puediya ser la razon de la lokura de Hitler en la produksyon de su plano de la ‘Solusyon Final’ i del Oloskosto. 

Los judyos en toda la istorya fueron la razon de todo modo de dezastre. Tambien en la Alemanya aviya antisemitizmo komo en el mundo entero. Este prejudizmo de la sosyedad, en este momento, kreo una oportunidad para Hitler ke enfiltra sus sentimentos antisemitikos en su politka.

Marx i Lenin eran komunistos, por esta razon los alemanes estavan dizyendo ke los judyos son komunistos. De otra parte, los estavan akuzando por ser kapitalistos. Esto kreyo un paradokso sovre Hitler, ke diziya ke no los keriya byen a los judyos porke son kapitalistos i komunistos, ke son dos polos opuestos. 

La diskriminasyon i el antisemitizmo egziste desde la Edad Medya i no ampeso kon la Segunda Gerra Mondyal. Los niveles severos del anitisemitizmo, munchas vezes, ovligaron a los judyos a konvertirsen al kristyanizmo en los payizes evropeos. Los judyos fueron tambien diskriminados en los negosyos i en la vida sosyal. Eyos fueron ovligados a bivir afuera de los baryos konosidos. Los judyos emprestavan moneda ke no es permetido en el kristyanizmo. No teniyan otro remedyo porke munchos echos eran prohibidos para eyos. Este rolo de los judyos de ser bankeres, los izo ser repulsivos a los kristyanos. Hitler utilizo estas razones para aplikar su ideolojiya kontra los judyos. 

Otro kontribuidor a los konseptos antisemitas de Hitler fueron las figuras publikas i politikos ke el admirava. El lider del partido nazi se ambezo a enkorporar el antisemitizmo en las reformas sosyales, de estas figuras. 

Munchos alemanes kulparon los judyos por peryer la Primera Gerra Mondyal. Disheron ke munchos grupos trahizaron los alemanes en la gerra. Segun eyos, los judyos eran unos de estos grupos. Por mientres, alrededor de 10,000 judyos aviyan servido en la Primera Gerra Mundyal i munchos de eyos aviyan resivido ensinyos de onor. 

Hitler aviya asistido a la Primera Gerra Mondyal. El aviya pensado ke esto puediya ser un kamino para pueder entrar a la politika. En la gerra fue firido por un atako de gaz. Mezmo ke no ay dinguna evidensya, el reklamo ke el atako fue aparejada por los judyos.

Hitler i su shef de propaganda, Joseph Goebbels, tuvyeron un espanto irrasyonal (puedeser una razon ke eyos kitaron) ke los judyos estavan aparejando un alevantamyento. Esto se mensyono en la Konferansya de Wannasee ke fue la reunyon ke konsolido la Solusyon Final.

 

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın

İLGİLİ HABERLER

İLGİNİZİ ÇEKEBİLİR

GZ

MOZOTROS AİLESİ

MOZOTROS AİLESİ

TÜNELİN UCU

TÜNELİN UCU