24 Ekim 2020 Cumartesi 22:53

Louis Armstrong, una lejenda enternasyol del jazz, una estreya del radyo i de sinema... Puedeser engrandesido i kudyado por djudios?

Metin DELEVİ Judeo-Espanyol 1504 görüntüleme
28 Temmuz 2020 Salı

De una punta de vista podemos dizir ke si. Louis Armstrong, tambyen konosido komo "Ambasador Satch", o kurtamente “Satchmo” fue adoptado non-ofisyalamente por una famiya de imigrantes djudios de Lituania ke teniya un negosyo de vendida ambulante de kozas vyejas, o komo se dize, “eskidji”, en Louisiana. Se yamavan Karnofsky.

Nasido en New Orleans, Armstrong abandono la eskola para ganar i mantener su famiya kuando teniya onze, dodje anyos i empeso a lavorar komo repartidor para los Karnofsky. De ke empeso a lavorar, le dyeron a komer todas las noches, i afilu le dyeron una kama para durmir. Tambyen le ayudaron de otras maneras: le emprestaron (i nunka lo tomaron atras) sinko dolares para ke pudyera merkar su primera trompet i lo enkorajaron a enteresarse a la muzika i kantar. En las diversas epokas de su vida, Armstrong eskrivyo i konto sovre la buendad de los Karnofsky i la diskriminasyon ke bivyeron i suportaron en tal ke djudios.

Ma, malgrado estos ayudos, las difikultades del chiko Louis kontinuaron. Tuvo problemas por ser konosido komo un "personaje peligrozo i dubyozo" i finalmente fue arestado i embiyado a la Kaza de Koreksyon para minores de “Kolor” (akel tyempo aviya la segregasyon para los Afro-Amerikanos i estamos vyendo ke oy en diya en los Estados Unidos se esta bivyendo syertos kavzos de rasizmo). Malgrado ke paso un syerto tyempo en la kaza de koreksyon, esto tambyen resulto ser un regalo, porke esta kaza le dyo una grande instruksyon muzikal. Armstrong, de tredje anyos, se izo el líder de la orkestra de la Kaza i kuando incho los anyos de koreksyon i ke salyo de esta Kaza, ya era famozo i organizando konsiertos.

I en los anyos venideros, se metyo un Magen David, una estreya de David en su garganta para akodrarse de la buendad de sus benefaktores.

Keridos lektores, penso eskrivir otruna vez i dar mas detalyos sovre esta istorya, ma esta vez en El Amaneser.

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın

İLGİLİ HABERLER

İLGİNİZİ ÇEKEBİLİR