24 Ekim 2020 Cumartesi 20:45

Tisha B’Av: el diya mas triste del anyo i la ekspulsyon de los djudios de Sefarad

Judeo-Espanyol 2546 görüntüleme
12 Ağustos 2020 Çarşamba

Eden Israel

 

Im Eshkachech Yerushalayim... Yerushalayim la sivdad de David... Yerushalayim

de Oro

El Mueve de Av, Tisha B'Av en ebreo, es el diya mas triste del anyo para el puevlo de

Israel. En Tisha B'Av fue destruyido el primer i el segundo Templo, el Beit HaMikdash. Este

fakto rezulto en el egzilyo de los djudios de la Tyerra de Israel. Tambien en este diya, la enkizisyon en Sefarad fue la shena de la ekspulsyon de munchos djudios sefaradis.

Keridos lektores, kije eskrivir este artikolo para akodrarmos de muestras famiyas i kulturas.

Para mi, el ebreo i el djudeo-espanyol son komo oro. Komo desendyente de djudios de

Sefarad, tengo una relasyon kon Israel i kon Sefarad.

El 9 de Av de 2019, estuve en Kyriat Gat, una chika sivdad en Israel, ma Yerushalayim

estava en mi kaveza i mi korason, un rekuerdo triste. Es muy natural pensar a Yerushalayim i a Har HaBait komo una grande desepsyon i un objekto de politika. A mi tambien fue reelmente dezilusyonante estar en Har HaBait. Syempre sintiremos i saveremos la emportansya de la sivdad de David en muestras vidas.

Ay munchos debates sovre Yerushalayim i Har HaBait. Munchos kavzos i istorias.

Komo todos savemos, el Har HaBait es un monumento de enorme emportansya

kultural i istorika. Muestra amada Yerushalayim es la sivdad mas emportante del

mundo para los djudios. Kuando esto kaminando por las kalejas de Yerushalayim, en la

sivdad vieja, puedo imajinar el periodo kuando el Beit HaMikdash i los djudios estavan

aya. Tisha B'Av es un diya triste i yeno de emosyon. El otro diya pensi, ke bueno seriya

si en el futuro djudios i muzulmanos se puedian mezklavar en una armoniya poko

komun i ermoza.

Im Eshkachech Yerushalayim, Tishkach Yemini, Tid'bak leshoni lechiki, Im lo

ezkereichi.

 

 

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın

İLGİLİ HABERLER

İLGİNİZİ ÇEKEBİLİR