30 Ekim 2020 Cuma 01:25

EL GATO I EL KANARYO

Eliz GATENYO Judeo-Espanyol 1098 görüntüleme
26 Ağustos 2020 Çarşamba

En una sivdad biviyan dos amigas en la mizma kaza. Eran amigas keridas desde munchos anyos. La una teniya un gato ke lo amava muncho i la otra teniya un kanaryo ke lo amava muncho tambien. 

Un diya de los diyas la ke teniya el gato tuvo de irse a otra sivdad por un sierto tiempo. Se lo desho el gato a su amiga kerida i se fue.

El gato estava muy triste porke se estava eskarinyando de su maestra. 

Kon tiempo el gato se empeso a selar del kanaryo. Un selo ke no lo deshava ni durmir. La maestra del kanaryo lo fishugava a su pashariko, lo bezava, avlava kon el. Ma el gato muestro no teniya este karinyo porke no estava su maestra  a su lado. 

Unos diyas despues ya no puediya mas del selo, se alevanto i se echo ensima del pashariko i lo mato.

Esto ke vido la maestra del kanaryo, en primero ampeso a yorar kon impos. Despues ya entendyo ke era el gato ke lo mato, se inyervo muy muncho. Komo la razon ke teniya. Le dyo al gato una haftona, una haftona ke le dezgozno los guesos. El gato se fuyo i se eskondyo en un kanton i no salyo de su lugar asta ke vino su maestra. 

Kuando vino la  maestra del gato  oyo i vido lo ke se paso, se inyervo muncho; se inyervo kon su amiga ke aharvo a su gato. I se aravyaron. 

El gato ampeso a tener remorso. Se estava pensando i inyervandose de si para si:  komo pudo azer el una koza semejante? Todo el repozo ke teniyan se les aviya bozdeyado achakes de el. 

Una demanyana se esperto i se fue se enkasho aryentro la kasha del pasharo i no kijo salir mas de aya. 

No savemos deke es ke izo el gato este djesto. Dizish ke se kijo kastigar en aprezandose?  Dizish ke kijo entrar a la kasha para remplasar el pasharo?

No se supo asta oy! 

En esta konsejika, el fakto ke entro el gato a la kaja del pasharo, desha pensar al lektor sovre todas las dos razones ke eskrivi ariva. 

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın

İLGİLİ HABERLER

İLGİNİZİ ÇEKEBİLİR

GS3

Tünelin Ucu-İzel ROZENTAL

Tünelin Ucu-İzel ROZENTAL

Mozotros Ailesi- İrvin Mandel

Mozotros Ailesi- İrvin Mandel