3 Mart 2021 Çarşamba 15:46
vakko
vakko

UN KUENTO DE FADAS

Aviya de ser un buen de naser …

Forti BAROKAS Judeo-Espanyol 4198 görüntüleme
26 Ağustos 2020 Çarşamba

En 1933, el 11 del mez febrero una noche de Tubishvat, a Fani le toma dolores de parir, de vista el marido Albert la yeva al ospital i les nase un ijo. De uzo le meten el nombre de su nono OVADYA. Ma la nona komo era muy moderna no le plazyo este nombre i dyo orden ke se yame ROBERT. La famiya BEYHAN  lo engrandesen a sus ijo primero kon muncho bueno i le dan una buena edukasyon.

Desharemos por aki tomaremos por aya… 

Mos iremos a un paiz leshos de Estanbol i muy kalorozo. En el sur de Amerika en Kuba, en el anyo 1938 el 29 de Enero a Viktorya i Davit DANA, les nase una ija kon kaveyos blondos, briyandos komo una estreya. Por lo tanto la yaman ESTRELLA. Ija regalada la engrandesen komo una prensesa.

Los anyos pasan komo la agua. Un diya la madre de Estrella desido de vinir a Turkiya. La tomo a su ija regalada i vino a Estanbol a ver a su ermana ke se eskarinyo muncho. 

Estrella kuando vino a la kaza de la tiya se renkontro kon Robert su primo. Robert kuando la vido, de vista se namoro de sus kaveos blondos i sus miradas kayentes. Este amor no fue solo de una parte, kurto Estrella kon Robert se kazaron el 21 Agosto 1955 en el kal de Zulfaris. Tuvyeron un ijo i una ija, 4 inyetos i 2 bizinyetas. 

Antes 20 anyos tuve el plazer de konoserlos en la kaza de kampanya en Büyükada kuando mos izimos vizinos. Un vizindado veramente komo ermanos. Sovre todo kuando muryo mi marido me adoptaron, no me desharon sola i me abrasaron kon grande karinyo. En estos vente anyos tuvimos fyestas, espozoryos, bodas i syempre las fyestimos endjuntos. Ma este anyo el 21 de Agosto, fyestimos un aniversaryo muy sentimental. 

Aniversaryo de 65 anyos de kazamyento de ESTRELLA i ROBERT BEYHAN.

Les oguro otros 65 anyos.

 Syempre ke tengan fyestas kon sanedad, kon prosperidad kon sus ijos, inyetos i bizinyetos.

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın

İLGİLİ HABERLER

İLGİNİZİ ÇEKEBİLİR