2 Mart 2021 Salı 05:31
vakko
vakko

DEKE LOS JUDYOS SON ENTELIJENTES?

Dora NİYEGO Judeo-Espanyol 4407 görüntüleme
2 Eylül 2020 Çarşamba

En el mundo entero, ay tredje milyones de djudyos, i son mas poko del "uno por syen" de la populasyon del mundo entero.

Ma, si mirash a los djudyos reushidos i selebres en el mundo entero, no vos puedesh imajinar ke eyos son tanto pokos. Kada anyo kale ke ayga uno o dos djudyos ke ganan el Premyo  Nobel. En kada epoka, los mas grandes sientifikos fueron los djudyos. Marx, Freud, Einstein son solo unos kuantos de entre eyos. Sus ideas trokaron el muvimiento de las ideas de sus epokas.

 

'Es ke esto es solo una koensidensya?' demanda Mel Brooks. ‘Deke son los djudyos entelijente? Yo vos puedo dar tres razones’ disho el artisto. La primera razon es "la Erensya". Los istoryanos endikaron una grande diferensya entre los Djudyos i los Kristyanos. En el Kristyanizmo, komo en las otras relijyones, los mas entelijentes se izyeron lideres relijyozos, ma dingun papaz no pudo kazarse i tener ijos. La ley les serro el kamino de la entelijensya ke es una kalidad ke pasa kon eredidad. En kontra, los djudyos aplikaron el primer komandamyento de la Tora ke es 'Te vas a multiplikar". Sekso nunka fue konsiderado komo un pekado entre los djudyos. Eyos pensaron ke si sekso era un pekado, el Dyo no lo iva krear.

 

Komo en kada relijyon, i en el Judaizmo los mas entelijentes fueron enkorajados a ser lideres

de relijyon. Syendo Rabinos, eyos deviyan de kazarsen i azersen 'padres' para formar 'modeles' a los myembros de sus komunidades. Ansi, meoyos buenos pasaron de jenerasyon a jenerasyon i los djudyos dainda estan arekojyendo el produkto de sus padres.

 

'La sigunda razon es "el entorno' esta dizyendo Mel Brooks. Los djudyos fueron el puevlo

ke tuvo menester de luchar lo mas muncho en la vida. Los djudyos no tuvyeron dingun dirito

de echarsen a durmir; eyos eran ovligados de ser mijor de los otros. "Si nases kon una kuchara de plata en la boka, te azes haragan; ma si nases kon un palo en la espalda, te ambezas presto a ser kapache i entendido en kada modo de koza, lo ke te va ayudaren la vida".

 

Los djudyos, disho Mel Brooks, se engrandesen kon una kostumbre ke da grande emportansa

a la edukasyon. La edukasyon es konsiderada komo una de las mas grandes ovligasyones de la persona porke el Dyo kreyo la persona a su imajen i el intelekto aze parte de esta imajen perfekta. Ser inyorente es un pekado kontra el Dyo.

 

Al tyempo, una kreatura ke teniya tres anyos, kaliya ke se ambezara a eskrivir el alfabe ebreo enriva de una tavla de myel. La kreatura se ambezava el alfabe en chupando la myel i

egalizando la sinyifikasyon de las letras kon la savor de la dulsurya.

 

El manyifiko karakter de Shalom Aleihem, Tevye, en el livro 'El Vyolonisto Enriva el

Tejado', esta dizyendo ke los djudyos se visten chapeyos porke eyos no saven kuando van a

ser forsados a deshar sus patriya, i kale ke el djudyo tenga una koza debasho su chapeyo, aryento de su meoyo. El, syempre puede ser forsado de dar sus objektos materyales,

ma lo ke esta akumulado en su meoyo, va kedar komo la mas grande 'merkansiya' ke el poseda’.

 

Esto era la enterpretasyon de Mel Brooks sovre la entelijensya de los djudyos. Mel Brooks

no es un komedyano ordinaryo!

 

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın

İLGİLİ HABERLER

İLGİNİZİ ÇEKEBİLİR

GZ

MOZOTROS AİLESİ

MOZOTROS AİLESİ

TÜNELİN UCU

TÜNELİN UCU