18 Eylül 2021 Cumartesi 00:27
izmir marriot
izmir marriot

Kuando se va eskapar este anyo

Silvyo OVADYA Judeo-Espanyol 1373 görüntüleme
4 Kasım 2020 Çarşamba

    Serka de Rosh Ashana en el whatsapp se estava avlando de una konsejika sovre el anyo 2020.

    Un turko musulmano telefona a su amigo djudio turkano i le demanda: ya se ke para vozotros esta empesando el anyo 5781. Te va  rogar ke me kontes komo los Djudios pasaron el anyo 2020?

Reelmente todos estamos enfasyados de ver todo lo ke esta afitando este anyo en todas las partes del mundo i en muestro payis. Vyernes pasado un diya despues de la Fiesta de la Republika, mi haver ke estava en Çeşme (serka de Smyrna) me telefona demandando si sintimos el rash ke afito unos kuantos puntos antes. Komo estavamos bastante okupados kon el echo i bastante leshos del sentro del rash no sintimos nada. Es djusto ke munchas personas mizmo en Estanbol se kunearon en las siyas i vyeron las lampas ke se estavan meneandosen. Tuvimos el mazal de no sintirlo. Kreo ke sinti por la primera vez en muestro payis un rash kon un tsunami. Tres semanas antes ize tres diyas de konje, i kon mi mujer mos fuimos a Urla serka de İzmir. El diya dalkavo tornando, mos fuimos a Seferihisar (sentro del rash en Turkiya, mizmo si el sentro es una isla Grega, en las gazetas estava eskrito diferente) i a Sığacık, un kazal turistiko muy simpatiko. I mi mujer me disho ke mos puedemos ir aya el 28 de Oktobre porke es la fiesta de la Republika i despues es shabat i alhad. El tyempo no devia de ser muy famozo i tenia munchas okupasyones i no mos fuimos. El Dyo mos kijo bien.

   El lugar el mas turistiko de Sığacık se topa aryento de una forteresa i en estas kalejas se topam munchos oteles kon unas kuantas kamaretas i un alay de kafes i restoranes. I despues del rash la agua de la mar en primero se travo i despues se elevo de un metro i medyo i todas las kalejas fueron inondadas. Ay filmos travados en los telefones ande se ve ke munchos yates arrankaron sus kuedras ande estavan atados i se fueron leshos del bodre. I munchos entre eyos se chaftearon kon otros yates. Ke desgrasya.

   I ay tres diyas ke estamos sigiendo la televizyon i mirando la desgrasya ke afito en Bayraklı a 70 kilometros de Seferihisar. Es un lugar serka de İzmir i los apartamentos son fraguados ensima de una tyerra ke no se deve de fraguar. Un terreno de aluvion ke es muy blando. I son edifisios ke no se konstruyeron regularmente komo vemos munchas vezes en muestro payis. I ay un alay de personas edukadas para kitar la djente debasho de las ruinas de beton i fierro. Edifisyos ande moran 30-35 famiyas i magazenes en la entrada. 55 oras despues del rash ay dainda a la manko 20 almas en kada edifisyo. I son 8-9 deyos. Reelmente una dezgrasya. Fin agora (alhad la noche) ay mas de 65 muestos. Vemos ke en la Japonya o en Shili kon un rash  no de 6.7 ma de 8 o 8.5, dingunos no se mueren. Porke ya saven komo se deve de fraguar los edifisyos. No fraguan un etaj demazia para ganar mas munchas paras.

   La Turkiya es un payis ande afita rashes. Para no tener problemes i muertos, despues del rash, devemos de fraguar korrektamente todo modo de edifisyos.

   En este anyo 2020, ke devemos de azer atansion, el 24 Enero tuvimos el primer rash del anyo en Elazığ (6.8 kon 41 muertos), el 18 de febrero en Manisa, serka de Smyrna (5.2) i el 23 del mizmo mez en Başkale/Van (5.9 kon 10 muertos), el 19 de marso de muevo en Elazığ (5.0), el 2 de mayo en Datça, ma el sentro era la isla Grega de Kriti (Girit) (6.4), el 28 de julio en Muğla (5.2) i el 17 de agosto en Malatya (5.2)…

  I espero ke vamos a eskapar este anyo kon este rash dalkavo.

  Los dos mezes dalkavo vos sueto una buena salud i diyas sin kaza ni bela.

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın

İLGİLİ HABERLER

İLGİNİZİ ÇEKEBİLİR

Şalom TV GZ

TÜNELİN UCU - İzel Rozental

TÜNELİN UCU - İzel Rozental

MOZOTROS AİLESİ - İrvin Mandel

MOZOTROS AİLESİ - İrvin Mandel