30 Kasım 2020 Pazartesi 21:02

Todo lo ke se ve no es dulse

Judeo-Espanyol 2242 görüntüleme
18 Kasım 2020 Çarşamba

Hayim Behmoaras

La ormiga estava pasando delantre de un arvole, vido ke enbasho aviya una koza, miro, miro no entendyo i disho, gostare un pasiko, i entendere kualo es. I lo gosto. Miro ke la savor esta muy ermoza, estava dulse, alevanto la kavesa i miro ariva. Ke ve, enriva del arvole aviya un sesto, i del sesto estavan kayendo abasho pedasikos. Otruna vez gosto, lo ke penso era vedra, los pedasos eran myel. Empeso de muevo a komer, komyo, komyo  i miro ke ya se arto i empeso a irse a su kamino. En supito se areto, el tino le aviya kedado en la myel. Torno atras, i vino allado de la myel. I ampeso de muevo a komer, no estava topando fin, en komyendo presto, presto se enkasho aryento de la myel para komer mas muncho. Komyo, komyo, tanto komyo ke le vino dezmayos, disho, salire ahuera. Para salir izo un esfuerso ma no reusho, otruna vez, otruna vez no esta puedyendo salir ahuera. Porke la myel de la emmeladura se le apego enriva. I la fuersa no le abasto i se muryo aryento de la myel.

I la vida es komo la konsejika de la ormiga. En vezes mos sale delantre una koza ke mos maraviyamos, i empesamos a kontinuar, lo tomamos de la kola. Ma vyene un tyempo ke empesa azer danyo, keremos salvarmos de aya, ma no puedemos salir. I la vida mos se aze preto i karvon. Kuando vamos a echar un paso, kale pensar muy bueno.

Porke todo lo ke se ve dulse no es savrozo.

 


Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın

İLGİLİ HABERLER

İLGİNİZİ ÇEKEBİLİR

Mozotros Ailesi-İrvin MANDEL

Mozotros Ailesi-İrvin MANDEL

Tünelin Ucu-İzel ROZENTAL

Tünelin Ucu-İzel ROZENTAL