1 Mart 2021 Pazartesi 04:11
vakko
vakko

KREER EN MIRAKLOS

Forti BAROKAS Judeo-Espanyol 2155 görüntüleme Sesli Dinle
16 Aralık 2020 Çarşamba

Yo me kreyo muncho en miraklos, alora vos kontare una istorya talmudika ke tengo meldado en un livro.

En una ora byen tadre de la noche, un otobus toma kamino de Tel Aviv a Yerushalayim. Unos de los pasajeros estavan durmyendo, otros despasensyados por arivar a sus kazas una ora mas antes. Komo era una ora byen tadre de la noche, los kaminos estavan asolados i oskuros. El shofor kansado de ir i vinir este kamino diya entero, estava byen atentivo en konduizando ma estava orozo ke era el servisyo de alkavo i pensando ke va arivar a su kaza i se va reunir kon su famiya. Apenas una ora ke tomaron kamino, un vyejiziko kon barva blanka salyo delantre del otobus dizyendole al shofor kon las manos de kedarse. Siguro el shofor kuryozo areto el otobus. Todos los pasajeros en  panik, ken kijo abashar, ken kon espanto i ken dizyendole al shofor ke tome kamino. El vyejiziko insistyendo i gritando estava demandando piyadades. El shofor ovligado kedo de konduizir i avyo las puertas, le demando: Ke keres estas oras de la noche?

El vyejo kon una boz triste le respondyo: Ay un hazino muy perso, aki no ay ni doktor ni ospital; si asperas unos kuantos minutos lo va trayer al hazino, kualo ay, no tomes kamino fin ke vengo.

Todos los pasajeros kuando oyeron la razon le disheron al shofor, no ay remedyo, devemos de asperar. El shofor ke ya estava byen kansado metyo la kavesa enriva la direksyon, disho a lo manko fin ke vyene el hazino me durmere ke repozen mis ojos. Paso medya ora, una ora, no ay ken venga, a la fin los pasajeros se dezesperaron i fueron a dizirle al shofor ke tome kamino. Lo yaman, lo meneyan el shofor no se esta despertando… Porke povereto ya estava muerto...

Kuando amanesyo, los pasajeros ven ke ande estan no ay ni kazas, ni moradas, ni personas, ni arvoles mezmo…

Si Dyo no mandava a este vyejiziko malah, el shofor en konduizando se iva murir, iva kavzar la muerte de 40 personas.

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın

İLGİLİ HABERLER

İLGİNİZİ ÇEKEBİLİR

GZ

MOZOTROS AİLESİ

MOZOTROS AİLESİ

TÜNELİN UCU

TÜNELİN UCU