Keridos lektores, vos sueto luzes briyantes de la hanukiya.
Unas novedades ke espero vos alegraran:
PERASHA VAYISHLAH - Shalom bayit (Un ogar en paz)
Mos aklara:
En un kazamiento la paz es importante.
El marido deve de amar a su espoza mas de si mizmo.
Deve de amostrar mas muncho respekto a su kerida mujer, por la razon ke la mujer es la ke le amostra el kamino verdadero (Rav İzak Alaluf).
1 - Angelina Friedman
Una persona eksepsional, kara riente, de 102 anyos, yena de vida i optimizmo.
Vensio dos vezes la pandemia de Covid-19, en Avril i en Novembre. Ya aviya sovrebivido la grip espanyola antes kaji un siglo.
Angelina tiene hobis, trikotar, ets..
2 - Karen Gerson Şarhon
Editora de las pajinas de Judeo-Espanyol del Şalom.
Resivio una invitasion de la Ermandad Sefaradi de New York para ensenyar muestra lingua ansestral, el Judeo-Espanyol.
El 16 de Desembre va empesar. Todos pueden partisipar al kurso. El adreso para enrejistrarse: tinyurl.com/beginnersladino
3 - Warner Bros.
Filmos de la sezon mueva se amostraran en el ekran grande i en el internet tambien.
4 - El profesor Ranjistsinh Disale (India)
Ensenyante en un kazal resivió el premio Global Teacher. Sus esforsos fueron rekompensados por aver revolusionado la edukasion a las ijikas.
5 - En Ingletierra, una primera edision de un livro de Harry Potter.
Una damma tomo sus livros viejos, incho un kuti para venderlos por 5 penny (5 liras turkas). Penso ke si no puediya venderlos, iva echarlos al chop.
Su ija se apersivio entre los livros una una primera edision otentika de la seria de Harry Potter.
El livro esta en vendida i puedriya alkansar a 50 milyones de sterlines.
ASPERANDO MİRAKOLOS DE MUESTRO KRIADOR!
