1 Mart 2021 Pazartesi 22:43
vakko
vakko

Amanyana es el konje de Zoom

Silvyo OVADYA Judeo-Espanyol 3353 görüntüleme
16 Aralık 2020 Çarşamba

(Esto eskrivyendo este artikolo noche de alhad despues de 6 oras de zoom)

 Diya de Shabat, Karen mos telefono dizyendo ke devemos de azer una seduta diya de alhad para dar karar lo ke devemos de azer el Dia del Ladino. La semana pasada izimos una konferensia de zoom kon los Israelyanos, Amerikanos i los de Arjantina para dar karar si puedemos azer un diya mundial. Kon estas oras no es muy fasil. Estanbol, Londra, Paris, Buenos Aires, Nueva York, Dallas i Seattle. No es muy fasil. Ay 11 oras de diferensia entre Estanbol i Seattle i dimos karar para organisar el Diya del Ladino en Estanbol en aparte del Dia Mundial. Komo Forti Barokas i los artistos Judeo-Espanyoles estan prontos a meter en shena una pyesa de teatro trokimos la data ke aviamos dechizado al 21 del mez de Febrero. La pyesa de teatro va ser una grande surpreza, no vos esto dando mizmo el titolo de la pyesa. Es por la primera vez ke va ser un teatro ande kada artisto va azer su rolo en su kaza. El mizmo diya vamos a ver una parodiya de Hayim Behmoaras. Vamos a ver a Seyfi İşman kon su “Savor de Boka”. Komo kada anyo Süzet Herman, Şeli, Gaon i Anna Eskinazi estan prontas para azer sus parodias. Eliz Gatenyo i Fani Ender mos van a presentar dos diferentes sujetos. İda Benromano mos va gizar una komida d’Andirne i vamos a tener el mazal de ambezarmos komo se giza una komida Edirneliya. Dos mansevos van a tener la palavra para avlar.

  Muestro amigo İzzet Bana va aparejar sinko o sesh kantikas kantadas por diferentes kantadores/ras de Turkiya o de otros payizes. Todos keren la kantadera Israelyana de orijin de Salonik, Gila Hassid ke mos kante la kantika ke izo para su madre Nina en Djudezmo. Reelmente esta una maraviya. La sinti i en ebreo. Ma no tyene la mizma savor. Tenemos otras surpreza. El DIDL va turar serka de dos oras i medya.

  Sin olvidar; de una parte Karen del Sentro Sefaradi, Nisya de la otra vanda del Muzeo Djudio me disheron ke tenemos de menester de un zoom para 500 personas (mas de 100 personas) i ke no se va eskapar a la fin de 40 puntos. I alkilimos un sistem asemejante ke lo estamos empleando los dos endjuntos.

  A las 4 de la tadre, Hayim Behmoaras avia organizado un program kreo en el face…

  A las 5 esta vez teniya la seduta kon el grupo de Alef ande avia una konversasyon kon el famozo muzisyen i eskrivano Zülfü Livaneli. Avlaron i kontaron todo sovre sus ovras.

  A las 6 era el Zoom kon el Konsilyo del Gran Rabinato. No pude eskapar este zoom.

  A las 7 esta vez avia el zoom internasyonal de los Enkontros de Alhad. Este semana el sujeto era: “El Memorial de los djudeo-espanyoles deportados de Fransya”. Jenny Laneurie era la Balabaya i los dos musafires eran: Edmond Cohen i Mathilde Elias-Pessah. Antes ke se eskape este program…

  A las 8 esta vez aviya un otro zoom ande kon el Gran Rabino Haleva se asyendo las kandelas de la Hanukiya. Antes ke este program se eskape disheron ke van a asender las kandelas de la Hanukiya kon los elevos de muestra Eskola. Los elevos de muestra eskola kon los elevos de la Eskola Haifa Rabin de Haifa-Israel. Ma no alkansi. Porke devia de eskrivir mi artikoılo para el Şalom.

  Despues de 6 oras de Zoom, amanyana devo de reposarme en kaza. Es las vakansas del Zoom. Ma no va ser este modo. Tengo muncho echo. Komo so patron de mi echo devo de lavorar komo esklavo.

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın

İLGİLİ HABERLER

İLGİNİZİ ÇEKEBİLİR

GZ

MOZOTROS AİLESİ

MOZOTROS AİLESİ

TÜNELİN UCU

TÜNELİN UCU