28 Şubat 2021 Pazar 19:57
vakko
vakko

ZOOM, EL SALVADOR EN LOS TYEMPOS DE DISTANSA SOSYAL

Dora NİYEGO Judeo-Espanyol 1404 görüntüleme
23 Aralık 2020 Çarşamba

La karantina aplikada en munchos paizes por modo de la epidemiya de koronavirus, ovligo a milyones de personas a kedar en sus kazas. Las reunyones ke no se pudieron realizar kara kon kara, se transporto al Internet. Durante la peryoda de esta distansa sosyal, la aplikasyon la mas preferada para la komunikasyon por video i las videokonferensyas fue la aplikasyon Zoom.

Las aktividades en el Zoom estan pujando de diya en diya. Zoom, empeso a empleyarse en munchas areas de la sosyedad, mezmo en echos privados, programes de radyo, i ofisinas del governo.

Seyga una korporasyon global ke deve mantener la kontinuidad del negosyo, un maestro de eskola ke deve edukar los estudyantes, o un amigo ke kere organizar una ora feliz para provokar un poko de alegríya; todos estan mirando a pasar este tyempo difisil provokado por esta kriza de salud global. Durante este tyempo de distansia sosyal, en el Zoom mos estamos sintyendo privilajiados de poder estar konektados unos kon otros.

Esta aplikasyon, ke agora se izo parte de la kultura popular, se izo "number one" en las aplikasyones sosyales. Fin unos kuantos mezes, no era tan konosida komo Apple FaceTime o Skype, ma atiro la djente ke no son buenos en teknolojiya komplikada por modo de su simplisidad i konvenyensa.

Estamos pudyendo entrar a las reunyones solo kon un klik, no ay menester de dinguna enformasyon para asistir a las reunyones.

Eric Yuan es un empresario multimilyonaryo amerikano, nasido en China. Eric es el direltor i el fondador de Zoom Video Communications. Yuan tyene un master degree en enjineriya. El reusho a fondar Zoom en mueve anyos.

Yuan pensava de fondar Zoom de los diyas ke estava en la Universidad en China. Le viniya muy difisil de ir kon treno en diez oras para ver a su novya. Akel tyempo teniya 18 o 19 anyos. Diziya de si para si, ke iva ser muy bueno si en el futuro puede topar un remedyo ke, para ver a su novya va abastar de azer solo un klik. 

En 1997, Yuan empeso a lavorar komo enjenyor de software en una chika kompaniya de video-konferensyas, WebEx. En 2007, Yuan se izo visprezidente i en 2011, fondo su kompaniya Zoom Video Communications.

Jim Scheinman, es direktor fondador de Maven Ventures, en Israel. Un diya Eric Yuan lo bushko i le disho ke kere avlar kon el. Scheinman ya saviya ke Eric era una de estas pokas personas ke no solo entendye la teknolojiya, ma tambyen es un grande teknologo. Eric tyene tambyen  abilidades de komersializasyon. Kuando Eric le avlo de su es.huenyo de fondar Zoom, Jim Scheinman, sin pensar, de vista le eskrivyo un chek.

Jim Scheinman esta dizyendo ke el fue el ke topo el nombre Zoom, ke es un nombre tomado de un un livro de kreaturas.

 

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın

İLGİLİ HABERLER

İLGİNİZİ ÇEKEBİLİR

GZ

MOZOTROS AİLESİ

MOZOTROS AİLESİ

TÜNELİN UCU

TÜNELİN UCU