1 Mart 2021 Pazartesi 04:54
vakko
vakko

LA PRIMERA VIJITA OFISYAL DE BAHREYN A ISRAEL

Şeli GAON Judeo-Espanyol 3087 görüntüleme Sesli Dinle
14 Ocak 2021 Perşembe

            Dos ministros de Bahreyn, para pueder asistir en Yerushalayim a la entrevista de los tres paises ke son la Amerika, Israel i Bahreyn van a azer la primera vijita ofisyal a Israel.

            Binyamin Netanyahu, el primer ministro de Israel, Mike Pompeo, el ministro de relasyones eksteryores de la Amerika i Abdullatif bin Raşid el-Zayani,  el ministro de relasyones eksteryores de Bahreyn, van a asistir a esta reunyon emportante i inimajinable.

Siguramente i otros ministros van a asistir a esta reunyon para azer munchos kontratos entre Israel i Bahreyn, komo por egzempyo para ke ayga vuelos direktos entre Tel-Aviv i Manama, la kapitala de Bahreyn. Esto va ser el primer akordo de aviyasyon entre los dos paizes.

Entonses en esta reunyon emportante, se esta asperando ke van a avlar sovre la avyertura de las ambasadas entre los dos paizes.

En la reunyon de la semana pasada, Israel deklaro la kondjunta kon el Reino de Bahreyn, sovre la Diplomasiya, sovre las relasyones amistozas, esto todo aprovado kon unanimidad.

             Bahreyn es un pais arabo, es una isla entre dos mares ke se topa en el Golfo de Basra. Es un reinado ke es governado por la monarshia.

Bahreyn despues de las islas de Maldives i Singapur, es el treser chiko pais del kontinente asiatiko. De 4000 anyos fina oy Bahreyn es el pais el mas emportante sovre el komerso del Golfo de Basra.

Bahreyn fue el primer pais del Golfo en 1932 a deskuvrir el petrol. Bahreyn es el  sentro de finans de 1980 fina oy en la rejyon ke se topa. Manama es la kapitala de Bahreyn i la mas grande sivdad. Manama fue eskojida en 2012 komo la kapitala kultural de los Arabos, en 2013 komo la kapitala de turizmo de los arabos i en 2014 fue eskojida komo la kapitala del turizmo del kontinente asiatiko.

Aki ay syempre turistos, porke el komporto de las personas es syempre ofisyal i noble. Bahreyn es un paiz ke, su ekonomiya se esta engrandesyendo de dia en dia i su vizyon del avenir es emportante.

Los servisyos finansales, los servisyos industriales, lojistika, la edukasyon i el ensenyamyento, el komito, el beveraje, la produksyon del plastiko son los sektores a los kuales se dyo emportansa para ke se puedan desvelopar.

Bahreyn es una komunita formada de munchas kulturas diferentes, de munchas rasas, de munchas nasyones. Al lado de esto la vida no es kara, posibilidades maraviyozas egzisten sovre la edukasyon i los servisyos perfektos de sanedad, i es un lugar atirante para los ke estan en egzilio.

Es un lugar muy moderno, no fanatiko, mujeres i ombres endjuntos, mizmo ke es un pais muzulmano, la lingua prensipal es el ingles, se puede kaminar en todo modo de lugar kon konfiensa.

En el pais, la proporsyon del krimen, i los evenementos de violensya son muy raros.

            El reinado de Bahreyn se konose en el Golfe de Basra, kon su partikolaridad moderna i tolerente.

                                                                          

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın

İLGİLİ HABERLER

İLGİNİZİ ÇEKEBİLİR

GZ

MOZOTROS AİLESİ

MOZOTROS AİLESİ

TÜNELİN UCU

TÜNELİN UCU