24 Temmuz 2021 Cumartesi 14:08
Radisson

MISS PROVENCE

Eliz GATENYO Judeo-Espanyol 1156 görüntüleme
23 Ocak 2021 Cumartesi

April Benayoum fue eskojida komo la sigunda de la kompetisyon de ermozura Miss France. Despues de la kompetisyon no eskaparon los mesajes amenasantes. La polisiya pishin metyo mano i esta bushkando los ke izieron esto.

El konkurso "Miss Fransia", ke eskojo a la reina de ermozura de 2020 en Fransia, embrolyo el país. April Benayoum, de 21 anyos, ke reprezenta la rejion de Provenza, termino segunda la kompetisyon, ma kedo en medyo de una grande diskusyon.

Durante el konkurso, ke 8 milyones de personas vieron por televizyon, Benayoum disho ke su padre era de Israel. Despues de esta deklarasyon de April, vinieron serka de 40 mil mesajes en Twitter.

En Twitter se partajo munchas ensultas, menazas i kifures. Sovre esto el Ministerio de Enterior de Fransia tomo el kavzo en mano. El Ministro Gerald Dalman dyo orden de topar estas personas.

“Eya es una Franseza ke sus raises se van asta la Italia i asta Israel. April es una eleva de Universita i reprezenta perfektamente muestra rejion i la Fransia.” Disho Renault Muselier, el Prezidente de la Rejion de Provence.

Tanbien el anyo pasado Clemence Botino, una manseva de Guadeloupe aviya ganado el premio. I eya fue el eskopo de las mizmas menazas i ensultas rasistas porke era muy morena.

En Fransya los ke azen propagandas de antisemitizmo tienen penalita de 45.000 Euros i asta maksimum un anyo de prezo.

Keridos lektores, este haber ke vos di es un solo egzemplo de este maldicho virus ke yamamos “antisemitizmo”. No solo en Fransia ma en munchos otros paizes del mundo, una parte del puevlo esta entosegado de esto. Ay munchas razones, la mas emportante razon es el selo ke tienen enverso los judios, ke estan reushendo en todo modo de aktividad, komo en la siensa, en el spor, en el arte, en la teknolojiya ets. La baza de esta reushita es la emportansya ke damos a los estudios de muestras kriyaturas. No azemos munchas kriyaturas i todo lo ke tenemos lo gastamos para la edukasyon de muestros ijos.

Komo dizimos en Rosh Ashana, ke seamos siempre kavesa i no kola. She niiye le rosh velo le zanav.

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın

İLGİLİ HABERLER

İLGİNİZİ ÇEKEBİLİR

Şalom TV GZ

TÜNELİN UCU - İzel Rozental

TÜNELİN UCU - İzel Rozental

MOZOTROS AİLESİ - İrvin Mandel

MOZOTROS AİLESİ - İrvin Mandel