29 Temmuz 2021 Perşembe 18:24
Radisson

La Istoria de Bella

Forti BAROKAS Judeo-Espanyol 1163 görüntüleme
3 Şubat 2021 Çarşamba

El 31 de enero alhad la tadre a la ora 18:00, vimos un filmo dokumental en el zoom, organizado por el Muzeo de 500 anyos de los djudyos de Turkiya. "La istoria de Bella".  dirijido por Banu Yalkut Breddermann, la muzika por  Renan Koen i la promosyon del filmo por Eytan İpeker.

El sujeto del dokumental era Bella Eskenazi, una mujer korajoza i muy diferente de otras mujeres, amiga serkana de Sabahattin Ali, amiga de la famiya de Aşık Veysel, profesora de fransez, inglez i alman del institu del kazal Hasanoğlan.

Una vida byen larga empesando de Estanbol i munchos otros lugares asta Barselona. Bella fue kazada kon Moiz i tuvo una ija, Karen.

Veramente me empresyono muy muncho la memorya de Bella, en kontando su vida kon todos los detalyos sin olvidarse nada, los nombres de todos los ke konto mezmo la kolor de la puerta de su kaza ande nasyo.

El dokumental fue preparado kon la inspirasyon del poema de Orhan Veli Kanık ke era namorado de eya ma para eya Orhan Veli syempre fue solo un amigo ke estavan dakordo en todas las ideas ke pensavan.  La poesiya "Anlatamıyorum" "No puedo kontar" fue eskrita para Bella porke nunka le pudo konfesar el amor ke teniya.

ANLATAMIYORUM

Ağlasam sesimi duyar mısınız

Mısralarımda

Dokunabilir misininiz

Gözyaşlarıma, ellerinizle?

Bilmezdim şarkıların bu kadar güzel

Kelimelerinse kifayetsiz olduğunu

Bu derde düşmeden önce

Bir yer var, biliyorum;

Her şeyi söylemek mümkün

Epeyce yaklaşmışım, duyuyorum

 

NO PUEDO KONTAR

En las linyas de mi poezia

Si yoro me oyes la boz? 

Me tokas las lagrimas kon tus manos?

No saviya ke tus kantikas

Eran tan ermozas

Ke tus palavras eran insufisiente

Antes ke kayera en esta ansya

Ya se ke ay un lugar

Ande es posivle de dizir todo 

Ya esto bastante serka, lo siento.

 

 

 

 

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın

İLGİLİ HABERLER

İLGİNİZİ ÇEKEBİLİR

Şalom TV GZ

TÜNELİN UCU - İzel Rozental

TÜNELİN UCU - İzel Rozental

MOZOTROS AİLESİ - İrvin Mandel

MOZOTROS AİLESİ - İrvin Mandel