İzzet Bana
OCHO KANDELIKAS
HANUKA HANUKA
PURIM LANU / PESAH EN LA MANO
En el Album “Un Kavretiko” ke preparimos en el anyo 1995,
CHICHI BUNICHI
MADAM GASPAR (Aunke no es eskrita de parte de eya ma la oyimos de eya)
En el Album ke preparimos en 2020, “Kantikas i Dichas Infantiles Sefaradis" del grupo Estreyikas d’Estambol, estas sinko kantikas ke kantimos i otras ke no kantimos dainda kedaron guerfanos.
Muestra NONA, Flory JAGODA, mos desho la buena vida. Mos desho tambien un alay de rekuerdos.
Primera ves la konosi en el Festival ke se izo en Salonik en 1992.
Kon su kara seryoza ma riente, pishin mozotros, Los Pasharos Sefaradis, la kijimos muncho bien. Al punto mos izimos amigos de anyos. "A mi yamame “Nonika” diziya, ke este en Ganeden".
El segundo enkontro hue dos mezes despues, yene en 1992, esta vez por la Fundasion de 500 anyos de Estambol, en el Salon Cemal Reşit Rey.
Toda la djente se alevanto en pies para felisitarla. El salon se undyo de palmas. No me olvido kon su chiko puerpo, ke grande shena tuvo kon su kara riente, kon su avlar repozado, kon sus djestos i kon su gitara.
Un otro enkontro hue en 2007 en Estambol, en La Univesita Bilgi por la okazyon la aktividad del Sentro Sefaradi de Estambol kon el Instituto Cervantes. Flory era invitada de onor i mos dyo un konserto ande Estreyikas d’Estambol la akompanyo en dos kantikas.
Esto muy orozo ke la konosi, me ambezi el modo de kantar en Ladino, me ambezi la disiplina mas de lo ke se. Kon su mirada mos dyo leson.
Tu kamino ke este kon luzes.
Kada kantika ke vamos a kantar te vamos a nombrar.
