24 Temmuz 2021 Cumartesi 13:24
Radisson

HAYA HARAREET

Eliz GATENYO Judeo-Espanyol 1110 görüntüleme
11 Şubat 2021 Perşembe

Haya Harareet (20 de septiembre de 1931 - 3 de febrero de 2021) era una aktrisa  israeliana. Todos mos akodramos del famozo filmo, Ben Hur, ke fue travado en 1959. En akel filmo Haya estava en el rolo de Ester, la amada de Charlton Heston.

Haya nasyo en Haifa, komo Haya Neuberg, la sigunda de tres ijos. Akel tiempo Haifa era Palestina Mandataria de los Inglezes. Su padre era Reuven i la madre Yocheved. Eyos aviyan emigrado de Polonya kuando eran mansevos i se enstalaron al Yeshuv de Palestina antes de Israel. Su padre lavorava para el governo de Tel Aviv. Tomaron la alkunya “Hararit” ke sinyifika “montanyozo” en ivrit i despues lo trokaron en Harareet. 

Harareet ampeso su kariyera jugando en un filmo israeli “Hill 24 Don’t Answer”. Este filmo fue nominado a la Palma de Oro en el Festival de Cannes en 1955. En el filmo italiano, “The Doll that Took the Town” jugo kon Virna Lisi. Ma el rolo de Ester en el filmo “Ben Hur” fue su performansa mas emportante i ansina se izo eya muy famoza.

Haya Harareet aparesyo en un filmo amerikano komo una aktrisa alta de boy. Eya teniya el rolo de Ester, la ija de Shimon, el esklavo de la kaza de Hur.  

Despues de este filmo jugo en los filmos l’Atlantide kon Jean-Louis Trintignant i The Secret Partner kon Stewart Granger. En el filmo, "The Interns" jugo el rolo de Dr. Madolyn Bruckner. El filmo kontava la istoria sentimental de los doktores.

Eskrivio el senario del filmo “Our Mother’s House” ke fue tomado del livro de Julian Gloag. Este filmo tuvo grande sukseso. Era la istoria de syete ermanikos ke se les aviya murido la madre. Ma los ijikos lo guadraron de todos, porke se aviyan espantado ke no los separen. Aya ke estavan biviendo muy orozos, salio un ombre en medio (Dick Bogart) ke pretendiya ser sus padres. Ansina uvo grande entereso al filmo.

El primer marido de Haya Harareet fue un Israeli Enjenyor de Agrikultura Nachman Zerwanitzer. Bivieron en Tel Aviv i se kitaron antes de 1961.

El sigundo marido de Harareet fue el direktor de sinema britaniko, Jack Clayton. Se kazaron en Wycombe, Buckinghamshire, Ingletierra, en 1984.

El 3 de febrero de 2021, Harareet murio en su kaza en Buckinghamshire, Ingletierra, a los 89 anyos.

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın

İLGİLİ HABERLER

İLGİNİZİ ÇEKEBİLİR

Şalom TV GZ

TÜNELİN UCU - İzel Rozental

TÜNELİN UCU - İzel Rozental

MOZOTROS AİLESİ - İrvin Mandel

MOZOTROS AİLESİ - İrvin Mandel