30 Kasım 2021 Salı 03:56

Una pandemiya komo se termina: Lo ke mos ambezimos de la pandemiya Espanyola

Judeo-Espanyol 1253 görüntüleme
11 Şubat 2021 Perşembe

Ester Pando

La Grip Espanyola fue la pandemiya la mas mortal del 20en siglo. 500 Milyones de la populasyon del mundo aferraron la grip Espanyola i 50 milyones muryeron de la hazinura. Esto fue la mas gramde trajediya despues de la primera Gerra Mundial.

Oy en diya, la pandemiya covid 19 esta kontinuando desde un anyo i komo se va terminar, por las oras no savemos. Oy el entendimyento sientifiko esta supozando ke la pandemiya va eskapar kon una vaksina. Komo, vamos a ver todos endjuntos.

Por egzemplo, la pandemiya Espanyola turo entre los anyos (1918-1919), es siguro ke la siensya avanso muncho entre tantos anyos ma las pandemiyas estan inpresizas desde un siglo. Lo ke savemos es, para ke se termine la hazinura, el virus deve de no topar abrigo para apozar  i propajar. 

En el egzempyo de la pandemiya de 1918, la hazinura se apoko i se pyedro en la primavera del anyo 1919, i en los empesijos del anyo 1920 izo pik.

El direktor de la Universitad de Michigan, Dr. Howard Markel disho ke esta grip Espanyola komo las otras gripes se aktiva en invyerno porke las personas se topan en abrigos serrados i muy serka de uno a otro, i se kayentan kon instrumentos artifisyales i estos instrumentos sekan el kuero de la boka i de la nariz ke azen chatladear el kuero i los viruses topan kamino ermozo para entrar grasyas a estos chatlakes. Kuando vinyeron en medyo del anyo 1920, la hazinura se fue atras ma no uvo dinguna deklarasyon en este sujeto.

Un kolego de Prof. Markel ke se yama Prof J. Alexander Navarro disho ke la razon de la eskapasyon de la pandemiya fue ke el virus estuvo espandido en el mundo entero i bastantes personas se enfektaron de la hazinura, i esta gripa no tuvo bastante populasyon para hazinear. Esto kere dizir ke la imunidad areta la pandemiya.

Despues ke se desparesyo el virus, los personajes de sensya por anyos largos no entendyeron el kavzo, i syertas enformasyones kedan komo sekretos.

La mizma situasyon tenemos oy. Devemos guadrarmos de la mezma manera.  Si un siglo antes, la populasyon pudo estar proaktiva para salvar la sanedad, oy en diya de muevo mos puedemos salvar de la mezma manera.

Vos aguro sanedad i muncha pasensya.


Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın

İLGİLİ HABERLER

İLGİNİZİ ÇEKEBİLİR

Şalom TV Şalom Spotify'da GZ

MOZOTROS AİLESİ - İrvin Mandel

MOZOTROS AİLESİ - İrvin Mandel

TÜNELİN UCU - İzel Rozental

TÜNELİN UCU - İzel Rozental