18 Eylül 2021 Cumartesi 00:47
izmir marriot
izmir marriot

Despues del Dia Internasyonal del Ladino-Estanbol

Silvyo OVADYA Judeo-Espanyol 3428 görüntüleme
24 Şubat 2021 Çarşamba

Noche de lunes eskrivyendo este artikolo estava mas kalmo de la semana pasada. Es una semana antes ke azyendo la prova en el zoom vimos ke muestro sistem no era kapache de propajar este program. I dimos karar de dar este echo a un profesyonel. Es djusto ke tuve syertos problemes kon el ma el echo fue reushido. No tuvimos dingun problem tekniko.

  A syertos de muestros espektadores, les paresyo ke van a apanyar el fotolyo del primer rango i antes de las tres - una ora antes - entraron al zoom! Kada uno estava mirando al otro i el tyempo no pasa este modo. A las tres i media avia serka de sinkuenta personas. Ma a la fin kuando empesi a avlar a las kuatro mas de 550 personas solo en el zoom estavan enfrente del ekran del komputer. Dia de lunes i martes avlando kon munchas personas ke en kada ekran aviya dos, mismo tres o kuatro personas.  Dos dias antes mos telefonaron dizyendo de ke no estash en el FB (facebook). De una parte mos estan telefonando de Israel para pueder publikar en el FB i aya. A la fin realizimos todo i kreo ke serka de 800 personas (a lo manko mos sigieron durante las oras de emision. No entyendo ma noche de lunes Karen estava avlando de 4.000 personas. No savemos el tyempo ke se kedaron! Ayer la noche resivi mesajes de las kuatro partes del mundo. De Brasil, de Israel, de Fransia, de la Ingletierra…

Es dos diyas antes ke envitimos el Ambasador d’Espanya, el Sinyor Javier Hergueta i el Konsul Israelyano ke se topa en Estambol, el Sinyor Ehud Moshe Eitam ke mos avlo en espanyol. El Gran Rabino Rav İzak Haleva komo kada anyo tomo la palavra i mos konto syertas konsejikas…

Karen reelmente diya de alhad, era la estreya del diya. Las tres bodas kontadas por Anna Eskenazi, Süzet Herman i Şeli Gaon; el treno de Seyfi İşman; Eliz Gatenyo kon su kuento i los Alkulumbres kon la pyesa de teatro eskrita por Forti Barokas. Muestro muevo amigo ke salyo ay poko tyempo a la shena, Hayim Behmuaras kon su kantika i la Edirneliya İda Benromano kon su komida maraviyoza de Edirne. Fani Ender i Nelly Barokas mos prezentaron la Itahdut Yotsei Turkiya. Kenan Cruz Çilli, un mansevo mos avlo sovre los Djudios Antalyalis i la tumba ke se topa en el Muzeo Arkeolojiko de Antalya. Juan Sanchez, ke tyene solo 13 anyos mos avlo i mos dyo koraje porke el va ser uno de los ladinoavlantes en el 22en siklo. Ya sintimos las kantikas ke mos kanto Karen durante la pyesa de los Alkulumbres. Todo no era esto. İzzet organizo una kantika de Nes i una kantika de las Estreyikas d’Estambol. Muestra amiga Liliana Benveniste, Gila Hasid kon su maraviyoza kantika Nina i Dganit Daddo mos kantaron diferentes kantikas en Judeo-Espanyol. A la fin de tres oras solo 50 personas abandonaron el zoom.

Despues de muestra emision syertas personas kritikaron deke se avlo sovre una boda de Israel. Kale achetar ke este program no era un estudio sosiolojiko, ni una kritika de las bodas. Muestra amiga Şeli mos konto solo i solo la boda de la ija de su prima. No se el Djudaizmo de Israel ma syertos rabinos mos kitan munchas difikultades si no ay un kazamiento. Ya lo se ke mizmo en Israel si te keres kazar por los rabinos i si tus paryentes no son kazados tyenes de azer un alay de formalitades. Ayudi a syertas personas para ke sean Djudias i para ke sus ijas/ijos se puedan kazar! No kale tan kritikar. Mozotros todos tenemos un respekto por los Israelyanos i una  simpatia spesial para los Israelyanos orijinaryos de la Turkiya. Asperamos la mizma kerensya de sus parte.

Esperamos ke en el anyo 2022, vamos a organizar el DIDL en la shena. Ma no se kualo vamos azer kon el zoom. Si les plazyo a todos los ke biven en el estranjero, mos van a demandar  ke sea  propajado en el zoom. Bivir i ver!

 

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın

İLGİLİ HABERLER

İLGİNİZİ ÇEKEBİLİR

Şalom TV GZ

TÜNELİN UCU - İzel Rozental

TÜNELİN UCU - İzel Rozental

MOZOTROS AİLESİ - İrvin Mandel

MOZOTROS AİLESİ - İrvin Mandel