12 Mayıs 2021 Çarşamba 04:57
Zen Poliklinik 1 nolu alan
Zen Poliklinik 1 nolu alan

LA MUJER EN LA ANTIKUEDAD

Judeo-Espanyol 2364 görüntüleme
10 Mart 2021 Çarşamba

SAVER ES BUENO ISAK ESKİNAZİ

La Agada de Pesah  mos konta ke en Ayifto eramos esklavos. Ama no mos dize lo ke era el rolo de la mujer en este payis. Los papirus i los desenes ke fueron topados en las tumbas mos dan una idea de este rolo.

De estos dokumentos estamos entendiendo ke la mujer era igual al ombre en frente de la ley.  Eya puedia ser la patrona de su proprio echo, eya puediya divorsyar o puediya desidir de ser doktora. Así no dependiya ni de su padre, ni de su espozo, ni de su ermano komo era la tradisyon en otros payizes. El kazamyento no se aziya ni de una forma administrativa, ni de una forma relijyoza. Solo la desizyon de un ombre i de una mujer era sufizyente para formar un matrimonyo. Aziyan un kontrato de los bienes ke trayiyan. Puediya mantener su nombre i no tomar el nombre de su espozo. Para ser kazados era sufizyente dizir resiprokamente: “Te ize mi Mujer”, “Me izites tu Mujer”.

El sofer (eskritor) de Ayifto dava  konsejo al ken se va kazar: “Seas savyo, guarda tu kaza, ama tu mujer, dale a komer komo se deve, vistela bien, fishuguala i azele sus dezeos, no seas brutal, vas a resivir de eya muncho mas de lo ke le vas a dar. A ver estos konsejos de azer akodrar al ombre sus deveres para su mujer, mos da a pensar ke munchos ombres no eran tan derechos. Koza ke no troko afilu oy.

En la Gresya de la antikuedad, una ijika deviya de kazarse a los 15 anyos. Solo el  padre dava la desizyon de kazar. Eyas no teniyan dingun derecho ni en la politika ni en la vida sosyal. Todas sus vidas deviyan de depender o del padre, o del marido, o del ermano, o de sus ijos. Si era bivda sin ijos, deviya de depender del ombre mas serkano de la famiya.  Eyas eran las maestras de la kaza. Dando ordenes a las esklavas i servyentes, devian de filar la lana, preparar i kuzir la ropa de las vestimyentas, kuidar a la ekonomiya de la kaza, i kuidar las servyentes hazinas.

En el imperio Romano la mujer  tuvo el mismo destino de la mujer grega. Una diferensya fue ke la mujer grega no puediya salir afuera de su kaza sin una servyente o ir a un teatro o un djugo sportivo; ma la mujer romana tenia este derecho de salir sola a la vida publika.

En syertas  partes del mundo oy en diya egzisten las mismas restriksyones. Despues de miles de anyos de evolusyon kaji ke nada no troko debasho del sol. Klaro ke no devemos de ser pesimistos i no ver komo munchas leyes trokaron a la favor de las mujeres i famiyas. Las mujeres ganaron sus otonomiyas finansiyeras. De la otra parte mizmo en payizes adelantados, por diversas razones ay ombres ke aktuan de manera muy arkaika. Bendicho al Dyo, kon la pasensya i sensya de las mujeres  i  el instinkto de madre, la aze adaptar a todo modo de kambiyo importante.

La balansa en todo modo de momentos importantes traye la paz i la serenidad, amor i kerensya a todas i a todos  kon  la  kompreansyon mutual. Ombres i mujeres seyan, inshala, siempre en armoniya.

 MUJER GREGA

 LA MUJER ROMANA

 


Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın

İLGİLİ HABERLER

İLGİNİZİ ÇEKEBİLİR

GZ

MOZOTROS AİLESİ

MOZOTROS AİLESİ

TÜNELİN UCU

TÜNELİN UCU