17 Nisan 2021 Cumartesi 13:59
Beymen 5-20Nisan
Beymen 5-20Nisan

EL SEGUNDO PESAH EN KARANTINA

Dora NİYEGO Judeo-Espanyol 2804 görüntüleme
24 Mart 2021 Çarşamba

Komo de anyo ke pasimos? Ken puediya pensar ke ivamos a bivir una epoka komo esta? La epidemiya del koronavirus konvertyo la vida kotidyana a un dezastro. Las kozas ke mos paresiya muy normal, komo vijitar los ijos, ver a los inyetos, abrasarmos, ir al sinema, al teatro, al konserto, komer en un restoran kon los amigos, viyajar ets., no son mas relevantes para mozotros.

Pesah era una fyesta ke toda la famiya se reuniya alrededor de la mizma meza para meldar la Agada, kon madres, padres, ijos i inyetos. El anyo pasado, todos los judyos selebraron Pesah solos en sus kazas.

Estavamos pensando ke la karantina iva ser kurta, i ke este anyo ivamos a selebrar las fyestas kon la famiya. Ma no fue ansina. A la fin del seder dizimos, "L'shana aba be Yerushalayim" ("El anyo ke vyene en Yerushalayim"). Teniyamos esperansa ke la epidemiya se iva eskapar. Un otro anyo leshos de la famiya i puede ser otros anyos. Todo esta indeterminado. Ya va abastar las vaksinas para todos? Ya son las vaksinas efikase al virus? Estamos oyendo ke konosidos no pudyeron venser el virus, otros estan luchando kon el virus en los ospitales, no se save si van a pueder salvarsen. Estamos pasando de una peryoda muy negra, un tyempo ke no vimos fin agora.

En Pesah, en el seder, rompemos la mitad de tres matzas, tomamos la mitad la mas grande de las mitades rotas, i la guadramos komo afikoman. Muncha djente konosen esta tradisyon. Las kreaturas bushkan el afikoman a la fin de la komida, i el ke lo topo es rekompensado. Ma, esta tradisyon tyene una sinyifikasyon mas profunda. La matza den medyo semboliza el korason. El korason se rompe por modo de las indjustisyas de muestro mundo roto, i de los sufrimyentos. Todos tenemos el korason roto por modo del sufrimyento de esta epoka. Ay un anyo ke estamos bivyendo una profunda fatiga mental, fizika, i emosyonal. Un anyo leshos de todos. Muestros korasones se estan rompyendo munchas vezes, mos estamos entristesyendo a los ke estan pedridos. No mos estamos puedyendo ir ni a los meldados, ni a las bodas, ni a los bar mitzvas, i ni a las selebrasyones. La edukasyon de las kreaturas esta kedando atras. Mezmo los ke estan en dolyo estan solos, los serkanos no los estan puedyendo akompanyar. Esta lista kontinua ansina. Todos estamos luchando en muestra soledad.

Ma, yene no devemos peryer la esperansa, syempre devemos de pensar pozitivo. Mos ambezaron ke los judyos son rezistentes. Endjuntos syempre fuimos rezistentes. La istoria de Pesah es sovre la bushkida de la libertad, ke fue posivle grasyas a la fuerza i a ​​la rezistensya del puevlo judyo. La Agada mos esta dizyendo komo tenemos la fuersa para venser las difikultades. Semos personas inkreivlemente rezistentes; sovrebivimos la plaga i la persekusyon por miles de anyos, aunke la majorita de las personas se syenten inseguras en estos momentos. Absolutamente vamos a sovrebivir esta epidemiya i mos vamos a liberar de eya. Este virus es muestro Ejipto metaforiko. No mos olvidaremos el sandwich de harotses ke azemos kon matsa. Dizen ke reprezenta el lodo i la paja ke los esklavos israelyanos izyeron las tuvlas. En este momento, las tuvlas pueden sembolizar las paredes de muestro manyifiko templo ande mos vamos a reunir de muevo. Dayenu!

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın

İLGİLİ HABERLER

İLGİNİZİ ÇEKEBİLİR

GZ

TÜNELİN UCU

TÜNELİN UCU

MOZOTROS AİLESİ

MOZOTROS AİLESİ