17 Nisan 2021 Cumartesi 14:43
Beymen 5-20Nisan
Beymen 5-20Nisan

SUETOS DE PESAH DE BIDEN: ´AL ANYO KE VYENE ENDJUNTOS´

Dora NİYEGO Judeo-Espanyol 523 görüntüleme
7 Nisan 2021 Çarşamba

El Prezidente Joe Biden i la First Lady suetaron la fyesta de Pesah a los judyos del mundo entero. Joe Biden enfatizo la emportansa del mesaje de esperansa de la fyesta judiya en estos tyempos de la epidemiya de koronavirus.

"Ya savemos ke todos aparejaron la meza del Seder kon el korason estrecho, ma tambyen kon esperansa por el anyo ke vyene", disheron el Prezidente Joe Biden, i la First Lady. "Pesah es la estorya de esperansa i de luchar kon las difikultades. Tenemos muncho menester de la enspirasyon de Pesah agora ke estamos penando a rekonstruir despues de tantas pedridas’ disho la First Lady. "Pesah es la istorya de la rezistensya i de la determinasyon para salir de una larga noche oskura a una demanyana mas briyante. Pesah es tambyen una istorya de emuna. Mezmo ke estamos enfrente de la opresyon, tenemos esperansa ke mijores diyas mos estan asperando. Esta selebrasyon es judiya, ma su mesaje es universal. Este mesaje rezono i va kontinuar a rezonar de jenerasyon en jenerasyon”.

El prezidente disho ke i este Pesah tambyen komo el anyo ke pasimos, estamos bendizyendo la matsa i el vino enfrente del ekran, en lugar de estar lado kon lado. ‘El mundo dyo munchas viktimas i esta kontinuando a dar. Las famiyas estan separadas las unas de las otras en el mundo entero. Ay mas de un anyo ke nonas i nonos no pudyeron abrasar sus inyetos, i ay demaziya de siyas vaziyas en muestro Seder. Mos akodraremos de todos los ke pedrimos’ disho Biden. "Puedemos serrar el Seder adaptando un dezeyo familiar, no solo el anyo ke vyene en Jerusalem, sino ke el anyo ke vyene tambyen endjuntos".

La Kaza Blanka (White House) tambyen selebro su primer Seder virtual, dirijado por la visprezidente de los Estados Unidos, Kamala Harris, i su marido Doug Emhoff, ke es judyo. "Estamos reunidos oy por la primera selebrasyon de Pesah de la administrasyon Biden-Harris i esto emosyonado de dirijar esta fyesta kon la primera mujer komo visprezidente de los Estados Unidos, i komo el primer marido judyo de una visprezidente ", disho Emhoff.

Un funksyonaryo de White House disho ke Emhoff estava muy emosyanado de ser el primer a liderar las tradisyones de Pesah ke son emportantes i sinyifikativas.

El Zoom Seder, ke atiro una oyidora de 10.000 personas, fue dirijado por el rabino Sharon Brous de la sinagoga IKAR en Los Anjeles. El prezidente tambyen aparesyo en el zoom unos kuantos minutos, repetando su mesaje de esperansa komo en el mesaje de Pesah.

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın

İLGİLİ HABERLER

İLGİNİZİ ÇEKEBİLİR

GZ

TÜNELİN UCU

TÜNELİN UCU

MOZOTROS AİLESİ

MOZOTROS AİLESİ