24 Ekim 2021 Pazar 06:14
Op Dr Mücteba Gündüz

LA KAYIDA DE SALONIK

Eliz GATENYO Judeo-Espanyol 1325 görüntüleme
21 Nisan 2021 Çarşamba

La rejion de los Balkanes siempre tuvo grandes luchas politikas. Vos kero kontar en kurto komo el Imperio Otomano peryo la sivdad de Salonik, ke era yamada la perla del Egeo.

Esto se paso verso la fin del anyo 1912 i la primera mitad del anyo 1913. Dunke antes del empesijo de la Primera Gerra Mondiala. La grande majorita de la populasyon eran los turkos i los judios. Aviya tantos Judios ke la yamavan “Yerushalayim de los Balkanes”. Salonik fue siempre una sivdad muy emportante, kon su porto, sus institusyones, su komercho i su populasyon i su kultura adelantada.

En el mez de Noviembre del anyo 1912 un torpido de la Gresya, batireyo al kruazor Fethi-Bülent ke aparteniya a la marina Otomana. Ansina ampeso a poko a poko el proseso de la pyedrita de Salonik. Despues el vapor de gerra bulgara Averof, kon tres otros destroyeres bombardeyaron las kazernas de Karaburun. El diya de 5 Novembre la kavaleriya Serba i un batalyon de askeres entraron a la sivdad. Un diya antes, el 4 del mez, las fuersas del jeneral bulgaro, Teodorof se auno kon las fuersas gregas.

Delantre de esta situasyon el komandante de las fuersas turkas, Tahsin Pasha se demoralizo i bombardeyo dos kyupris (pontes) de Vardar i un pasaje de treno. Ma  no le valyo por ke akeyos lugares ya los aviyan vazyados de antes. A la fin el povereto Tahsin Pasha fue ovligado de entregarse. Ansi fue la okupasyon de Salonik por los Gregos.

Djusto antes ke entren los Gregos a la sivdad, el Imperio Otomano izo trayer a Estambol al Sultan Abdulhamit, ke estava aprezado en el kyoshk yamado Alatini, kon un kruvazor ke fue emprestado de los alemanes.

Despues ke Salonik troko de okupasyon uvo grandes matansinas i ladronisyos. Entraron a las kazas de los judios para arovarsen sus bienes, tanbien en los tramvayes i en los charshis izieron rovos i la prensa grega ampeso una kampanya de antisemitizmo fuerte. Ansina la populasyon ampeso a meter a sus kazas, bandieras Bulgaras o de otros payises evropeos, para salvarsen de los atakos. No solo los Gregos, los Bulgaros i los Serbos teniyan ojo en Salonik. Los istoryanos yamaron esta gerra, “La Gerra Balkanika”.

Despues de la okupasyon de Salonik, las sivdades komo Skopia (Üsküp), Ishkodra, Monastır i Yanya kayeron de sira. En Oktubre 1912 las armadas Bulgaras, Gregas i Serbas entraron en mezmo tiempo, a ocho sivdades del Imperio Otomano i ansi ampeso la gerra. La Gresya tomo tanbien i la izla Girit.

Los moradores de Salonik kuando se espertavan la demanyana no saviyan lo ke iva akonteser. Porke un diya la sivdad aparteniya a los Gregos, otro diya a los Bulgaros i otro diya a los Serbos.

Mas despues en 1917, uvo el grande fuego ke destruyo la sivdad entera. Esto fue la fin de la komunita judiya en Salonik. Todos se dispersaron seya a Estambol o seya a diversos payizes de la Evropa.

 

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın

İLGİLİ HABERLER

İLGİNİZİ ÇEKEBİLİR

Şalom TV GZ

TÜNELİN UCU - İzel Rozental

TÜNELİN UCU - İzel Rozental

MOZOTROS AİLESİ - İrvin Mandel

MOZOTROS AİLESİ - İrvin Mandel