27 Ekim 2021 Çarşamba 05:39
Op Dr Mücteba Gündüz

Akodrandomos de Bergen-Belsen

Metin DELEVİ Judeo-Espanyol 1567 görüntüleme
21 Nisan 2021 Çarşamba

Durante la primavera komemoramos aniversaryos ke markan la liberasyon de los kampos de konsantrasyon nazis, los kampos de eksterminasyon i un dia spesyal por los 6 milyones viktimas de la Shoah. La armada Rusa libero Auschwitz, la armada de los Estados Unidos libero a los sovrebivyentes del kampo Buchenwald i la armada ingleza libero el kampo de Bergen-Belsen el 2 de Iyar de 5705, ke koresponda al 15 de Avril de 1945.

En Bergen-Belsen, la armada ingleza toparon kaji 60.000 prizyoneros ambyertos i kon hazinuras mortales, ke biviyan kaji sin komer, sin agua i sin kualker ayudo de sanedad baziko. Se deskruvyo ke la majoridad de los prizonyeros teniyan tifus, dizanteriya i otras hazinuras devido a la ambyertura i mankura de medyos de sanedad. Se topo mas o menos 13.000 kadavres sin enterrar al doredor del kampo.

İnisyalamente, Bergen-Belsen se fraguo en 1940 komo un kampo de prizonyeros de gerra en Saksonya, parte del norte de Almanya. Ma kon tyempo, se uzo komo medyo potansyel para prenda kontra moneda o para ser medyo de liberasyon de los detenidos kontra siviles almanes detenidos en los paises aliados. Finalmente, los djudios kon pasaportes etranjeros, a partir de 1943, fueron enkarselados en Bergen-Belsen, i ansi, en este tyempo empeso a sirvir komo kampo de konsantrasyon. Desde 1943 asta la liberasyon, entre 36.400 i 37.600 prizonyeros muryeron en Bergen-Belsen. I Anna Frank, muryo en Bergen Belsen de tifus en Marso de 1945, un mes antes de la liberasyon. Su puerpo i el de su ermana Margot fueron topados sin enterrar kuando los Inglezes liberaron el kampo.

Los que sovrebivyeron a las "Marchas de la Muerte" verso la fin de la gerra, se arekojyeron en Bergen-Belsen. Despues de la liberasyon, Bergen-Belsen fue utilizado komo kampo de personas desplazadas.

Al empesijo de Avril de 1945, los Almanes entendyeron ke los Inglezes van arivar en serka i pensaron ke una epidemiya de tifus se va propajar en el pais entero si los detenidos se fuyen. El 11 de Avril, reprezentantes almanes se fueron a la 11ª Divisyon Blendada de la armada britaniko para negosyar una tregua i las kondisyones del entrego del kampo. Kuando arivo la armada ingleza, en primero kijeron kontener las hazinuras organizando una fuersa de asistensya medikal, enterrando a los muertos, trayendo agua limpya i komidas livyanas para los detenidos ambyertos para alivyanar la ambyertura. I de mas trusheron personal sanitaryo para mirar a los detenidos ke teniyan urjentamente menester de una asistensya medikal.

Malgrado estos esforsoz, malorozamente, 14.000 prizonyeros muryeron despues de la liberasyon.

Es ke es de saver, ke 126 sujetos turkos djudios o non-djudios pasaron por Bergen Belsen i a lo manko 8 de eyos (5 djudios, 2 Muzulmanos i un Ermeni)  toparon la muerte en este kampo. En el 4 de Marso 1945, 105 detenidos djudios turkos fueron tornados a Istanbul kontra la liberasyon de Almanes detenidos en Turkiya.

En el 9 de Desembre 2012, el governo turko inoguro una leja en Bergen Belsen para komemorar los 8 sujetos turkos. En la leja se melda:

“A LA MEMORYA DE LOS SİVDADİNOS TURKOS DJUDİOS İ NON-DJUDIOS MASAKRADOS EN BERGEN BELSEN -  LA REPUKLİKA DE TURKIYA”

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın

İLGİLİ HABERLER

İLGİNİZİ ÇEKEBİLİR

Şalom TV GZ

TÜNELİN UCU - İzel Rozental

TÜNELİN UCU - İzel Rozental

MOZOTROS AİLESİ - İrvin Mandel

MOZOTROS AİLESİ - İrvin Mandel