15 Mayıs 2021 Cumartesi 16:35
Zen Poliklinik 1 nolu alan
Zen Poliklinik 1 nolu alan

Sovre la palavra lehlí i las relasiones turko-polonezas

Judeo-Espanyol 813 görüntüleme
28 Nisan 2021 Çarşamba

Aldo Sevi

En el djudeo-espanyol de Estambol los ashkenazim se yaman lehlís. De ande viene esta palavra?

Sigún la mitolojía poloneza, Lech es el padre de la nasión poloneza. Este nombre es la baza de las palavras Lehistan i lehli en el turko osmanlí. La Polonia o el Reyando unifikado de la Polonia i la Litvania se yamava Lehistan i sus sivdadinos se yamavan lehlis.

En ke sirkonstansias enkontraron los turkos otomanos a los polonezos-litvanos?

La ekspansión turka en la Evropa se kedó en las puertas de Viena en 1683. El ke aretó los turkos era el rey Jan Sobieski del Reyando Polonezo-Litvano ke komandó una koalisión de fuersas polonezas-litvanas-austrianas-almanas. Los turkos, ke asta akel momento estavan akostumbrados a venser, empesaron a apresiar el koraje del rey polonezo i de su puevlo.

La simpatía otomana por los polonezos turó muncho tiempo. El Imperio Otomano era el solo poder ke opozó la despartisión de la Polonia entre la Rusía, la Austria i la Prusia a la fin del siglo 18. En el siglo 19, munchos refujiados polonezos arivaron a Estambol, i fondaron un kazal yamado Polonezköy al norte-este de la sivdad. Mizmo el poeta polonezo nasional, Adam Mickiewicz topó refujio en Estambol, ande murió en 1855.

Eskaparé kon una anekdota. Para ekspresar la deskontentes del Imperio Otomano por la despartisión de la Polonia entre los poderes - durante todo el tiempo ke la Polonia no existía komo un país independente - kada vez ke el Sultán azía un kombite para los ambasadores etranjeros, el demandava en boz alta: "Ande está el ambasador de Lehistan?" i un anunsiador respondía: "Está en el kamino!" Kuando el prezidente de la Polonia vijitó Estambol antes unos kuantos anyos, disho en una avla: "El ambasador de Lehistan ya arivó!"

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın

İLGİLİ HABERLER

İLGİNİZİ ÇEKEBİLİR

GZ

TÜNELİN UCU

TÜNELİN UCU

MOZOTROS AİLESİ

MOZOTROS AİLESİ