20 Haziran 2021 Pazar 00:23
Mett Hotel
Mett Hotel

KARA KARE La Famoza Organizasion ALEF, Grupo de Jovenes Idealistos

Tuve el plazer de partisipar este anyo por ZOOM i felisitar el grupo perfekto de mansevos de ALEF. Izieron una ekspozision maraviyoza

Esti SAUL Judeo-Espanyol 865 görüntüleme
5 Mayıs 2021 Çarşamba

Me akodro de akel anyo ke los jovenes mos avian transmetido el tema UMUT / ESPERANSA, kon el buto de transmeter i ensenyar a la mansevez la desgrasia del Olokosto.

 KARANLIĞA IŞIK TUTAN FİLİMLER / FILMOS KE ILUMINAN LA OSKURIDAD

Es de enkantar de ver ke nombrozos filmos fueron travados desde 1939 sovre el Olokosto, filmos, afishes, i sovre todo muy pokos konosidos fina oy.

El paketo artistiko no se puediya aparejar mas kompleto i tambien mas estetikamente. Parese a un kolaje kontemporaneo. Supieron moderar la trajedia. Sin duda, vino muy apropo para la jenerasion viniente.

Me aze pensar al filozofo fransez Georges Didi Huberman ke disho en un seminario:

“Los grandes artistos son los ke azen lo mas muncho o lo mas poko".

Puedo dizir ke krearon, komo los artistas ke son, lo mas muncho, estudiando komo atirar la atension del ser umano…

Los filmos ke mos aviyan prezentado:

- Everything is illuminated, es un filmo diferente, sovre el Olokosto. Un filmo ke no estamos auzados a ver.

El koleksionario Jonathan, Safran Foer, akompanyado de su giya Alex, viajan fina Ukrayna para topar detalyos de su padre (papu) ke bivio el Olokosto. La istoria mos atrista i mos aze riir tambien.

- El filmo Swing Kids mos konta la istoria de dos amigos en la Alemanya Nazi antes la Sigunda Gerra. Los amigos son entre el dia jovenes de Hitler, i la noche aprovan de introdusirsen en una organizasion sekreta kontra los Nazis.

- El filmo fransez de gala La Rafle kon Jean Reno, Gad Elmaleh, Rose Bosche, ets. Esta produksion mos konta kon el ojo de una kreatura, los judios Fransezes i la kolaborasion del governo de Vichy. Mas o menos 15,000 judios fueron enternados en el stadium Vel' d'Hiv. 

Este filmo de 2010 izo muncho bruido, en primero en Fransia i mas despues en la Evropa entera. Las konsekuensias dio a pensar a este evenimiento desgrasiado.

La ekspozision?

La ekspozision mos demostrava afishes de propaganda de filmos Nazis. Munchas kreasiones de diferentes payizes se interesaron.

Se aparejo  KARA KARE FİLM VE KÜLTÜR GÜNLERİ (Diyas de filmos i kultura).

 Vos rengrasio de alma i korason.

Para kada anyo ke vos ayege...

Bravo a vozos, los mansevos de ALEF por el projekto KARA KARE.

 

 

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın

İLGİLİ HABERLER

İLGİNİZİ ÇEKEBİLİR