23 Ekim 2021 Cumartesi 23:19
Op Dr Mücteba Gündüz

Einstein i el Djudaizmo

Metin DELEVİ Judeo-Espanyol 1430 görüntüleme
19 Mayıs 2021 Çarşamba

El 18 de Avril pasado era el 66 aniversaryo de la muerte de Albert Einstein. Einstein es uno de los ombres mas admirados de la istorya. Su nombre i su figura son rekonosidos kaji universalamente, i sus teorias sientifikas trokaron la forma en ke se ve el universo.

La koneksyon de Einstein kon sus raizes djudias fue komplikado. Su famiya djudia almana era asimilada, ma se save ke Albert, en su manseves, los ovligo a mantener una kaza kasher. Estava aryento de un mundo de siensya, ma kontinuo a afirmar su kreyensa en Dyo, en el Kreador del Mundo. Se opozo al nasyonalizmo, ma apoyo el Siyonizmo porke el antisemitizmo de Evropa  era muy fuerte. Mos akodraremos ke el tuvo difikultades, en tal ke Djudyo, de topar un posto de profesor kuando eskapo sus estudyos.

La aktividad siyonista de Einstein inkluyo ser uno de los fondadores de la Universidad Ebrea, ke avryo sus puertas en 1918 en Yerushalayim. Myembro de la asamblea de governadores i prezidente del konsilyo akademiko, Einstein prezento la primera konferensya de siensya de la Universita, en 1923, durante la primera i unika vez ke vijito el Medyo Oriente. El apoyo de Einstein a Israel fue tan apresyado ke en 1952, despues de la muerte del prezidente Chaim Weizmann, se demando a Einstein de tomar este posto komo el segundo prezidente de Israel. Ma el no lo aksepto.

Einstein, ke nasyo en Ulm i se egrandesyo en Munich, bivyo el antisemitizmo alman, i nunka pudo entender la brutalidad de sus kompatriotes. Myentres ke los Nazis ganavan el poder, el lavoro sientifiko de Einstein, ke fue rekonosido komo una inovasyon desde 1905 i por el kuel resivyo el Premyo Nobel en 1921, fue dezakreditado por los Nazis por ser enfektado de ideas etranjeras.

Kuando Hitler tomo el poder en 1933, Einstein estava en los Estados Unidos sirvyendo komo profesor envitado. Era klaro ke nunka poderiya tornar a su patriya, a su kaza. I kuando oyo ke los Nazis entraron a su kaza, konfiskaron su vela i metyeron un premyo para su kavesa, esto se izo una sertitud. Kuando sus amigos sientifikos djudios fueron ekspulsados ​​de sus universidades, Einstein fue a la Ingletiera para bushkar un ayudo de los britanikos para tratar de remedyos para yevarlos a un lugar seguro.

Einstein torno a los Estados Unidos desde Ingletiera el mizmo anyo i aksepto el posto permanante en el Instituto de Estudios Avansados de Princeton.

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın

İLGİLİ HABERLER

İLGİNİZİ ÇEKEBİLİR

Şalom TV GZ

TÜNELİN UCU - İzel Rozental

TÜNELİN UCU - İzel Rozental

MOZOTROS AİLESİ - İrvin Mandel

MOZOTROS AİLESİ - İrvin Mandel