23 Ekim 2021 Cumartesi 23:14
Op Dr Mücteba Gündüz

Una Istoria Verdadera

Metin DELEVİ Judeo-Espanyol 1207 görüntüleme
2 Haziran 2021 Çarşamba

Keridos amigos amantes de Djudeo-Espanyol,

Vos kero kontar dos evenementos verdaderos ke pasaron en diferentes tyempos ma ke son fuertemente relasyonados.

Verso la fin del mez de Oktubre 1914, la flota del Imperio Otomano empeso a bombardear los portos rusos en la mar preta. I las naves empleadas por esta manovra eran alemanes. Esto fue la razon por los Rusos para deklarar gerra kontra los Otomanos i sus aliados los alemanes. El mizmo dia, el 30 de Oktubre 1914, el Imperio Otomano deklaro gerra kontra los Rusos. Unas kuantas oras despues, los aliados de la Rusia, los Inglezes i los Fransezes deklararon gerra kontra los Otomanos i Alemanes. I ansi empeso la primera gerra mundial.

Akel tyempo, en Tiberias i Safed en la Palestina, i en Alepo en Sirya, governado por los Otomanos, aviya koloniyas de Djudyos de suditos Inglez o Fransez. I komo los Otomanos estavan en estado de gerra kon estos paizes, el governador de esta rejyon, Djemal Pasha, les dyo un ultimatom: o deviyan de tomar la sudita Otomana, i pagar syertos dasyos o deviyan salir del pais. Esto era verso la fin de Marso 1915. Estos deviyan desidar fin el 18 de Mayo 1915.  Erev de Shavuot. Komo esperado, la mayoriya elijyo el egzodo al lugar de akseptar el ultimatum de las otoridades Otomanas de renunsyar a sus nasyonalidades i sus status de proteksyon franseza o ingleza. Desharon detras en Tiberias i Alepo sus kazas, sus byenes i sus echos. Solo se les permityo de tomar tres liras turkas kada uno i sus artikolos relijyozos. Eran artezanos, esnafes, komersantes, rabinos, agrikultores. Fin de Julio, fueron arrekojidos en el porto de Yafo. En el porto, dos vapores de gerra de la Armada de los Estados Unidos los tomo a bordo sin saver ande dezambarkarlos. Kafrisin/Kıbrıs i Ejipto no los aksepto. A la fin de Agusto, finalmente arivaron a Kreta/Girit ke los aksepto i abasharon en el porto de Chania. Aya fueron arisividos i lojados por los Djudyos lokales. Ma, unas kuantas semanas despues, las otoridades gregas desidyeron, por razones politikas, de anular el permeso de rezidensya en Kreta a los sivdadinos frasezes o refujyados protejados. En Disembre de 1915, la marina franseza los transporto a Ajaccio, Korsika. I ansi las 740 personas ke arivaron a Korsika i las 15 famiyas ke egzistiyan en la izla formaron la Komunidad Djudiya de Korsika.

En el empesijo de la sigunda gerra aviya kedado en la izla 80 famiyas de esta komunidad.

Marso de 1942, el Governo de Vichy demando a la otoridad de Korsika de darles la lista kompleta de los djudios de la izla kon nombres, adresos i bienes. La intisyon de esta demanda era klaro: dar esta lista a los Nazis. No se save de ande le vino a la idea, el prefekto Pierre-Henry Rix ke no era un amante de Vichy i ke paso a la rezistensya unos kuantos mezes despues, se adreso al Konsul General de Turkiya en Marseilles, Bedi Arbel, demandandole de vinir pishin a la izla kon dokumentos ofisyales. En kurto, el 21 Marso 1942, todos los djudios de la izla manko uno, ke no pudyeron toparlo, teniyan el sudito turko, de nesensya otomana. I ansi, unos kuantos dias despues, el embiyado de Vichy para kestiyones djudias se torno kon las manos vaziyas.

Ke dizir, puede ser ke Bedi Arbel kijo pardonarse de lo ke izyeron sus ansestros, ma una koza es syerto, esto era komo un regalo del Dyo, porke unas kuantas semanas despues empesaron las raflas ande miles i miles de djudyos fueron enternados en Drancy, ma dingun djudio de la Korsika no fue aretado grasias a este laisser-passer turko..

 

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın

İLGİLİ HABERLER

İLGİNİZİ ÇEKEBİLİR

Şalom TV GZ

TÜNELİN UCU - İzel Rozental

TÜNELİN UCU - İzel Rozental

MOZOTROS AİLESİ - İrvin Mandel

MOZOTROS AİLESİ - İrvin Mandel