24 Temmuz 2021 Cumartesi 06:30
Radisson

SAVER ES BUENO El BOSFOR

Judeo-Espanyol 1263 görüntüleme
2 Haziran 2021 Çarşamba

İSAK ESKİNAZİ

Antes, kada vez ke keriyamos tomar reflo, mos ivamos al Bosfor. Por modo del Bosfor,  Estanbol se yama, a parte de sus munchos nombres, "La sivdad ande  la mar pasa de aryento". Mas i mas en Tarabya o en Büyükdere, djusto en frente de la Mar Preta, el ayre sopla de tala manera ke el diya mas kalorozo del enverano, te aze dizir "ooohh". Los koryentes fuertes ke abashan asta la mar de Mamara te azen espantar de nadar en esta agua. I no olvidar ke los ke aman el sol, nadando en el Bosfor se keshan ke la agua es muy yelada.

No se si vos demandatesh komo se formo el Bosfor?  Porke la Mar Preta era un lago antes ke entren las aguas del Mediterraneo.  Segun unos akademikos esto afito entre los anyos 8.000 i 7.000 (A.M.E) (antes de muestra era). Según otros akademikos entre los anyos 7.000 i 6.000 (A.M.E) kuando los yelos empesaron a  diritirsen desde los anyos 12.000 (A.M.E) i ke las aguas del Mediterraneo suvyeron a un nivel mas alto. Esto izo una inondasyon enorme i es así ke se avyo el Bosfor.

Otros akademikos  pensan ke, ande oy esta el Bosfor, deviya de aver un riyo i kon la suvida de las aguas tomo el boy de oy. No olvidar ke el Bosfor tiene meandros djusto komo un riyo.  Las datas de este evenimyento i ke asemejan al kalendaryo muestro, tambien izyeron pensar a otros akademikos ke el Mabul de la Tora devriya ser esta inondasyon ke formo el Bosfor.  Según el Prof. Robert Ballard, envestigador amerikano, la inondasyon de tantas tyerras kedandonsen debasho las aguas izyeron pensar al ombre, la istorya de Noah i su barko.

Para los Estanbollis, el Bosfor fue i es el Paradizo puro. La mitolojiya grega mos dize ke Zeus, el dyo de los dyoses, se ennamoro de Io, ija del dyo de los riyos Inahos, i para salvarse de la birra de Hera, su mujer, transformo la ijika en una vaka. Hera para vengarse, embiyo una bizba detrás de la vaka para moryerla. El kamino ke izo Io se yamo el Bosforo. En Grego, Bous=Vaka i Porus=Kamino.

Otra leyenda dize ke el nombre del Bosfor, devriya ser Fosfor, porke las aguas de noche briyan komo el fosfor. En la epoka Otomana, las noches del enverano se veíyan barkas paseando en el Bosfor ande kantavan kantikas alegres alavando los reflektos de la luna en la mar. Otra djoya del Bosfor fueron los Yalis, kazas grandes i elegantes fraguadas en la kosta  de la mar ande teniyan tanbyen, entradas para  barkas privadas.

El bosfor es el amante de todos los ke lo vijitan i ke pasean en sus bodres de la mar  i sus kolinas.

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın

İLGİLİ HABERLER

İLGİNİZİ ÇEKEBİLİR

Şalom TV GZ

TÜNELİN UCU - İzel Rozental

TÜNELİN UCU - İzel Rozental

MOZOTROS AİLESİ - İrvin Mandel

MOZOTROS AİLESİ - İrvin Mandel