24 Temmuz 2021 Cumartesi 07:59
Radisson

Keshki (makari) ke no le demandara

Judeo-Espanyol 1244 görüntüleme
16 Haziran 2021 Çarşamba

Süzet Herman

Este kavzo es enteramente verdadero.
Un mansevo para azer spor en kada demanyana se iva a un parko ke aviya serka de su kaza. Akeya demanyana rankontro a una manseva ke estava  azyendo egzersizyos, i koryendo en el parko. Esta manseva estava ermoza komo el sol. Eya teniya kaveyos blondos largos fın al bel, alta, flaka. Un puerpo muy ermozo. I todos los djestos ke estava azyendo komo egzersizyos los estava azyendo kon muncha finesa. El mansevo se ipnotizo de esta muchacha. A el le plazyo tanto esta manseva ke noche i diya ampeso a pensar en eya. Para rankontrarla se estava indo al parko, i la estava asperando en el parko. Se estava guadrando detras de un arvole i la estava mirando durante sus egzersizyos.
Un diya  ke vido ke la manseva estava koryendo, el tomo koraje i se metyo al lado de eya para koryer.  Le demando el nombre i ampesaron a azersen amigos. Tornaron endjuntos a sus kazas. En el kamino, el mansevo le disho ke deve de irse  a un sentro ke se yama Nency. I la muchacha le disho, "ke koensidensya i yo oy me va ir a Nency. Si keres te yevare kon mi araba". I este modo hue. Todos los dos se hueron a sus kazas, se lavaron, se vistiyeron i el mansevo se suvyo a la araba de la muchacha para irsen a Nency.
Desde ke se suvyo a la araba, el mansevo vido djusto delantre de la direksiyon, una foto de un mansevo kon barva. Esto lo amargo un poko, ma no  kito boz.
Despues ke eskaparon kada uno sus echos, se toparon de muevo para tornar. El mansevo le propozo a la manseva de bever un kafe. Entraron a un kafe, tomaron un kafe. La manseva disho: es yo ke va pagar oy. Tu me yevas a komer.
La manseva kito de su bolsa un portofolyo de ombre, i de ke avyo el portofolyo el mansevo vido la mizma foto del ombre ke vido en la araba.
Al otro diya se toparon de muevo i pasaron oras muy agreavles. Ma kuando la muchacha avyo su telefono, el mansevo vido de muevo la foto de este ombre. Eya lo teniya por primer rango a esta foto en todos los lugares.
El se estava selando i en mizmo tiyempo se estava averguensando de demandarle a la muchacha por esta foto.
Despues de dos semanas el mansevo mas no pudo rezistir i se desido de demandarle.
I le disho, "me puedes dizir ken es este ombre de la foto?. Esto kuryozo porke tyenes esta foto en todos los lugares.
La manseva le disho: Si i yo te lo keriya dizir.
Este hombre so YO, DOS ANYOS ANTES!!!

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın

İLGİLİ HABERLER

İLGİNİZİ ÇEKEBİLİR

Şalom TV GZ

TÜNELİN UCU - İzel Rozental

TÜNELİN UCU - İzel Rozental

MOZOTROS AİLESİ - İrvin Mandel

MOZOTROS AİLESİ - İrvin Mandel