22 Ekim 2021 Cuma 12:03
Op Dr Mücteba Gündüz

Djudios de Irlanda

Metin DELEVİ Judeo-Espanyol 1375 görüntüleme
14 Temmuz 2021 Çarşamba

La semana pasada, en la prensa i en el Şalom aviya un avizo dizyendo ke el primer ministro britaniko, Boris Johnson, avertyo ke los djudios podrian emigrar de Irlanda del Norte achakes de posivles problemas para topar komanyas kasher devido al akordo komersyal Brexit ke la Ingleterra firmo kon la Unyon de Evropa, ke entro en vigor en el empesijo de este anyo.

Despues de la salida de la Ingleterra de la Unyon de Evropa, entro en vigor una frontyera komersyal en la Mar de Irlanda entre el Reyno Unido kontinental i la Irlanda del Norte. I despues entro en vigor el fakto ke las merkansiyas del Reyno Unido seran sujetos a diversos kontroles i duanas dunke retardos. El akseso a la karne kasher sera mas difisil devido a esta límitasyon komersyal. En Septembre, van a vinir otras restriksyones a otros alimentos kasher. I Boris Johnson, despues de avlar kon los reprezantantes de la Komunidad Djudiya sinyalo ke despues de dar a entender estas difikultades le disheron ke este fakto puede azer empesar una vaga de imigrasyon djudia.

I ansi pensi darvos una kurta kronolojiya i istorya de los djudios de Irlanda.

El egzilyo del puevlo djudio los yevo a todas las partes del mundo. Los djudios bivyeron i fraguaron komunidades en la Evropa, China, India, Asia Santral, Afrika, Amerika del Sud, Amerika del Norte, Australia, etc. i por seguro en Irlanda.

El primer rekonosimyento real de una prezensiya djudia en Irlanda fue en 1232, kuando el rey Henry III otorizo a Peter de Rivall el posto de Trezorero i Konsilaryo del Trezoro de Irlanda, los portos i bordes de mar del rey, i tambyen “la kustodia i tutoryo del djudaizmo del rey en Irlanda." Ma, en 1290, todos los djudios fueron ekspulsados del reyno inglez, inkluido de Irlanda.

Verso la fin del siglo XV, los "Anusim" (djudios ovligados a guadrar sus judaizmos achakes de la presyon de la enkizisyon espanyola) empesaron a aresentarsen i bivir en la Isla Esmeralda, el nombre ke se dyo a Irlanda devido a las verduras de la Izla . En 1555, William Annyas, un djudio, fue elijido mayor de Youghal, una sivdad de la provensya Cork.

Uno de los djudios mas famozos de Irlanda fue Robert Briscoe (1894-1969), ke fue nomado mayor de Dublin en 1956. Aktivo en la IRA (Irish Republican Army - Armada por la Liberasyon de Irlanda) i el Sinn Fein (partido politiko ke apoyo la liberasyon de Irlanda) durante la Gerra de Independensya de Irlanda, Briscoe era un nasyonalisto ke insistyo ser un "ebreo" sin disminuar su karakter irlandezo. Desde 1993, el Sentro de Imigrasyon Emerald Isle de Nueva York patroniza los premios anuales Briscoe, ke onoran a los lideres djudios por sus lavoros para mejorar las vidas de los imigrantes irlandezos en los Estados Unidos.

Un djudio irlandezo ke se izo uno de los lideres del puevlo djudio, grasyas a su karyera eskojida en las Fuerzas de Defensa de Israel (i anterioramente en la armada britanika) fue Chaim Herzog (1918-1997). Herzog,  ke se izo el sejen presidente del Estado de Israel, nasyo en Belfast i se engrandesyo en Dublín, ande su padre, el rabino Isaac Herzog, ken mas tadre se izo el segundo rabino prinsipal de Israel, era el rabino prinsipal de Irlanda. Desde el 7 de Junio, el inyeto de Isaac Herzog i ijo de Chaim Herzog, Yitzhak “Boogie” Hertzog es el prezidente actual de Israel.

Oy en la Irlanda del Norte biven kaji 100 djudyos, todos en Belfast, i otros 2000 en Dublin en la Republika de Irlanda (Irlanda del sud).

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın

İLGİLİ HABERLER

İLGİNİZİ ÇEKEBİLİR