24 Ekim 2021 Pazar 05:48
Op Dr Mücteba Gündüz

Violines de la Esperanza

Judeo-Espanyol 1201 görüntüleme
18 Ağustos 2021 Çarşamba

Eden İsrael

Dediko este artikolo a Sarah Lewin.

Muzika es el arte de kombinar sonidos para provokar sensasiones. Konsiderada una de las beyas artes, la muzika es vida i la vida es muzika.

Sarah Lewin, pianista i sovrebiviente de Olokosto es mi mayor inspirasion de vida. Me ambezi kon Sarah la emportansia de la muzika i komo la muzika es una forma de traer esperanza i paz a las personas.

Según Yehudi Menuhin, la muzika bive i respira para dizirmos ken semos i a ke mos enfrentamos. Es un kamino entre mozotros i el infinito. La muzika es una terapia. Es una komunikasion muncho mas poderoza ke las palavras, muncho mas inmediata, muncho mas efisiente.

Para Menuhin, el violinista, es komo un fenomeno pekuliarmente umano kon una potensia rara: mitad tigre i mitad poeta.

Baron Menuhin, konosido por su nombre artistiko Yehudi (22 Abril 1916 - 12 Marso 1999)  fue un violinista amerikano ampliamente konsiderado uno de los grandes violinistas del siglo XX.

Menuhin toka para los soldados aliados durante la Sigunda Gerra Mondial i akompanyado al piano por el kompositor inglez, Benjamin Britten, toka el violin para los sovrebivientes de varios kampos de konsentrasion en Junio i Julio de 1945 despues de su liberasion en Avril del mismo anyo.

Regreso a Almanya en 1947 para dar konsiertos kon la Filarmonika de Berlin basho la direksion de Wilhelm Furtwängler komo un akto de rekonsiliasion, el primer muziko djudio en azerlo para akodrar el Olokosto para traer esperanza i paz.

Menuhin tokava varios violines famozos. El eskrivio: “Un gran violin está vivo, su forma aktua las intensiones de su fabrikante, i su madera guadra la istoria de sus suksesivos proprietarios. Nunka toko sin sentir i pasar emosiones.”

Los Violines del Olokosto

Amnon Weinstein, luthier israeli perdio munchos miembros de su famiya en la Shoa. El tyene la abilidad de konstruir i restaurar violines. Kon el proposito de dar esperanza i deshar un aprendizaje, Weinstein kreó el proyekto de los violines de la esperanza kon violines ke sovrebivieron al Olokosto i fueron restaurados para volver a kontar i tokar sus melodias ke akompanyaron el destino de tantos durante la Shoa.

La koleksion de los violines de la esperanza oy se diviza en violines, violas i violonchelos ke apartenian a la Filarmonika Israeli, despues estan los violines ke los djudios tokaban en los kampos de eksterminiasyon, en los getos i en las kayes ke los yevavan a las kamaretas de gas.

Los violines kon las estreyas de David provienen de todas las partes del mundo i una vez restaurados son konfiados a las manos de grandes violinistas i a los oidos del publiko de gira por el mundo.

Kada violin es komo una persona i tyene su propia istoria. Las notas de estos violines yevan asi un mensaje de esperanza i de paz.

Los violines de la esperanza tienen Streaming en el internet, CD i azen konsiertos por todo el mundo. Para mas informasiones, este es el sitio ofisial del proyekto: www.violins-of-hope.com.

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın

İLGİLİ HABERLER

İLGİNİZİ ÇEKEBİLİR

Şalom TV GZ

TÜNELİN UCU - İzel Rozental

TÜNELİN UCU - İzel Rozental

MOZOTROS AİLESİ - İrvin Mandel

MOZOTROS AİLESİ - İrvin Mandel