24 Ekim 2021 Pazar 05:08
Op Dr Mücteba Gündüz

TATE BRITAIN - INGLETIERRA

Ofrese una mision maraviyoza: Inisiar los vijitadores al arte plastiko.

Esti SAUL Judeo-Espanyol 1168 görüntüleme
18 Ağustos 2021 Çarşamba

 24 Julio - 29 Agosto, 2021

Invita sus vijitadores amantes de arte plastiko a krear una ovra de arte interaktiva...

Un projekto interesante ke konsiste en deskuvrirse i tentar la eksperiensa para egzibir un talento eskondido.

EL BUTO: Sembrar

El arte i la kultura para las kreaturas, los adolesentes, ansi ke sus parientes...

Los ke vijitan el muzeo podran partisipar a realizar una ovra djigante, en el salon de la entrada del Muzeo (Turbine Hall), ke se ekspozara en el tavan del muzeo.

Es el artisto japonezo EI ARAKAWA, ke realizo el projekto, djuntos kon UNIQLO, para TATE BRITAIN.

Penso ke esta aktİvidad divertiente va enteresar los ke no tuvieron koraje, por no tener konfiensa de metersen a la ovra.

Insistió ke los ke frekuentan las ekspozisiones i muzeos deven ermozear sus vidas en meldando la istoria del arte i kopiar los pintores reputados.

Una partida del projekto sera bazada para trokar i ermozerar el mundo - desenes, performansas, djugos de kreaturas...

Los Artistos Japonezos GUTAI

Este grupo es el primer ke avia realizado, en 1956, una ekspozision ke kombinava la performansa, la pintura i los entornos interaktivos.

Los amantes de arte ke avian vijitado el muzeo meldaron este poster:

POR FAVOR DESINEN LIBREMENTE

I se metieron a desinar desde sus inspirasiones, ensima de la grande tual preparada por los realizatores.

Oy, inspirado de esta mizma idea, Ei Arakawa planifiko una mas grande platforma para atirar miles de amantes de arte i sus desenes, eskizes, ets.

El muzeo esta ofresiendo 3 kalemes a kada uno, sin limito de tiempo tambien delantre de la tual.

Ansi, kreaturas, jovenes i sus padres, kon los materiales en la mano, estan pintando, desinando, i deskuvriendo sus kapachidades.

La emosion de ver lo ke krearon por la primera vez los va pushar a perfeksionarsen.

Deke no?

Podran kontinuar i bushkando, trayer novedades al arte...

 

Azer krear, azer deskuvrir las kapachidades artistikas es mi dezeo...

Me siento oroza kuando puedo komunikar el amor por el arte i la kultura...

 

Rengrasios a los misionaros de arte.

No seyamos afritos nunka, de las bellezas ke mos entornan.

Asperando la fiesta de Rosh-Ashana...

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın

İLGİLİ HABERLER

İLGİNİZİ ÇEKEBİLİR

Şalom TV GZ

TÜNELİN UCU - İzel Rozental

TÜNELİN UCU - İzel Rozental

MOZOTROS AİLESİ - İrvin Mandel

MOZOTROS AİLESİ - İrvin Mandel