24 Ekim 2021 Pazar 05:15
Op Dr Mücteba Gündüz

EL ANYO MAS NEGRO DEL MUNDO: 536

Judeo-Espanyol 1913 görüntüleme
25 Ağustos 2021 Çarşamba

Hayim Behmoaras

Kada dia mos alevantamos, kon mueva esperansa, i kon mueva emosyon para detenermos a la vida. Lo ke keremos, kon lo ke azemos son dos kozas muy diferentes i esto mos amostra la vida. I ansi es sin kerer, i sin dezear, ay 1.5 anyos ke estamos aryento de una pandemiya ke no savemos dainda komo se va eskapar, u komo vamos a gerrear kon este Covid. Solo por mozos no es esta pandemia, malorozamente la malisya por el mundo entero es muy peligroso.

I de otre parte los fuegos, los mabules, las desgrasyas en kada pais estan muy fuertes, i las sezones se trokaron muncho, en el norte los buzes se estan derrityendo. Lo ke entendimos, es ke la situasyon del mundo no esta indo para bueno. I mos parese ke 2020-2021 son los anyos mas desgrasyados del mundo.

Ma no es esta manera...

Los mas desgrasyados anyos del mundo son 536-537, dos anyos enteros se izo el mundo areskuro, porke en Izlanda i en Norte Amerika se patladearon los volkanes. Por esta eksploziyon la luz del sol se serro de las sinizas i del umo i el mundo se kedo dos anyos en el areskuro.

Los dos anyos sin sol pasaron komo invyerno en Avril, Mayo, Junyo, Julyo, Augusto i izo solo inyeve kon el grado ke estava 1.5-2 C. En estos dos anyos no uvo rekolta, i por esto no aviya ni pan para komer, i enriva de esto vino la grande hazinura i el nombre era la Pesta de Justinyen. En dos anyos muryeron milyones de personas. Despues de estos anyos desgrasyados uvo anyos muy difisiles en el mundo.

1818: la pandemiya de Pesta: se muryeron 20 milyones de personas

1914 la primera Gerra Mundial kontinuo kuatro anyos i se muryeron 19 milyones de 

 personas.

1918 la pandemiya de Espanya: se muryeron 50 milyones de personas.

1939, la segunda Gerra Mundial kontinuo sesh anyos i se muryeron 70 milyon de personas.

Agora keridos mos meteremos sinko puntos al lugar de estas personas ke bivyeron en estos anyos i gerrearon kontra hazinuras, kon ambyerturas i kon Gerras Mundial para kedar en la vida, i pensaremos komo lo pasaron estos tyempos. Por esto avriremos las manos i dizeremos loores al Dio, rogaremos i dezeyaremos de agora en delantre ke se aga todo bueno i klaro.

LA ESPERANSA I LA AMISTAD son LA MEJOR KURA PARA LA VIDA!

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın

İLGİLİ HABERLER

İLGİNİZİ ÇEKEBİLİR

Şalom TV GZ

TÜNELİN UCU - İzel Rozental

TÜNELİN UCU - İzel Rozental

MOZOTROS AİLESİ - İrvin Mandel

MOZOTROS AİLESİ - İrvin Mandel