28 Eylül 2021 Salı 00:52

La vida es komo una gerra; el koraje kon la idea syempre gana

Judeo-Espanyol 1304 görüntüleme
9 Eylül 2021 Perşembe

Hayim Behmoaras

Un perro kaminando en la shara, aryento de las yervas vido un gueso. I disho Baruh Ashem, i oy mos mando la komida, porke teniya muncha ambre. Miro ke no ay dingunos, empeso a chupar, i a komer el gueso, en supito oyo una boz de pata, se espanto i avagar avagar abolto la kavesa para ver kualo es este bruido.

Ke ve, un tigre ke esta vinyendo enriva de el, i le empeso abashar sudores. Kale azer una koza, disho, si no me va komer el tigre. I le vino una idea al tino, empeso a chupar el gueso, i de otra parte empeso avlar kon boz alta.

Ke ermoza karne teniya el tigre, me lo komi kon muncho gusto, i los guesos estan muy savrozos.

Esto ke oyo el tigre se areto, i se espanto.Avagar, avagar sin darse a mano se suvyo a un arvole, i emposo a mirar al perro ke va azer.

En supito oyo una riza, abolto la kavesa i miro de ken es esta riza. En otro arvole una maymunika se esta pishando de riyir, se inyervo muncho el tigre , i le disho, deke te estas riyendo, kualo ay de riyir, konta i yo me riyere.

Si saves lo ke te izo el perro, i tu empesas a riyir, le disho la maymunika. Un djugo te djugo a ti. El gueso no era de un tigre, lo topo aryento de las yervas, i kuando te vido a ti, avlo mintiras i tu te enganyates, komo ke no me riyga, hahahahahahaha! I a mi me izo lo mizmo.

El tigre se inyervo muncho, i le disho a la maymuna, ven suvete enriva de mi i abasharemos abasho, le amostraremos el diya al perro. I apoko, apoko abasharon del arvole sin kitar boz, i empesaron a aserkarsen al perro.

El perriziko era guerko, ya entendyo ke estan vinyendo los dos, i disho de si para si, agora es echo de eskapar. I empeso defa a chupar el gueso, i a avlar fuerte. Ande kedo esta maymuna, me dyo palavra ke me iva trayer otrun tigre; ande kedoooo, dainda tengo ambreeee! El tigre ke oyo esto, miro a la maymuna, miro al perro, i a la maymuna la echo abasho i sin mirar atras koryendo koryendo se fuyo...

La vida es komo una gerra, para gerrear kon la vida, i para ganar, kale ke estemos syempre prontos kon la idea, i kon el koraje!

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın

İLGİLİ HABERLER

İLGİNİZİ ÇEKEBİLİR

Şalom TV GZ

MOZOTROS AİLESİ - İrvin Mandel

MOZOTROS AİLESİ - İrvin Mandel

TÜNELİN UCU - İzel Rozental

TÜNELİN UCU - İzel Rozental