28 Eylül 2021 Salı 00:32

La Halila i el Templo Neve Shalom

Silvyo OVADYA Judeo-Espanyol 1202 görüntüleme
9 Eylül 2021 Perşembe

Esta semana estamos fiestando el muevo anyo ebraiko. “Shana Tova” a todos. Estamos fiestando los 5781 anyos de la Kreasion del mundo; 4125 anyos del “Mabul” del tiempo de Noah; 3413 anyos del nasimiento de Moshe Rabenu; 3333 anyos de la salidura de Ejipto; 2854 anyos de la fragua del primer Templo; 2443 anyos de la destruksion del primer Templo; 2377 anyos del nes de Purim; 2372 anyos de la fragua del sigundo Templo; 2160 anyos del nes de Hanuka; 1953 anyos de la destruksion del segundo Templo i 529 anyos de la ekspulsion de la Espanya. Ke no vos pareska ke se todas estas datas. Ma si mirash la halila embiyada por la Komision de “Kisba Gemilut Hasadim” ke es una de las mas emportantes komisiones del Gran Rabinato ya puedesh meldar djusto en el empesijo de la halila despues de las publisidades.

   Ay anyos, de mi chikes ke el Gran Rabinato aze todo lo ke puede para publikar la Halila. Ay munchos anyos ke dyeron karar ke la Halila va ser publikada por la Kisba Gemilut Hassadim. El dover de esta komisyon es de arekojer moneda por muestra komunidad. Komo munchas personas no son muy orozas kuando les demandamos paras, es esta ovra ke publika i distribue este kalendaryo para tener un aspekto mas simpatiko en la opinion de la djente. Una parte emportante de muestra populasion les agrada avlar i kritikar mizmo siertos sujetos ke no entienden. Ma kuando les akodramos el dover de pagar sus kizbas, no estan kontentes de la mizma manera.

  En el Muzeo Djudio, pensimos azer una ekspozisyon de Halilas. I tenemos dos koleksyonarios muy emportantes ke tyenen dos koleksyones muy emportantes. I vamos a realizar una ekspozision kon estas dos koleksiones.

  Este anyo, en muestra sivdad, kreo ke la grande partida de las Sinagogas van a estar avyertas por las fiestas de Roshashana i de Kipur. La semana pasada teniamos una seduta entre los konsejeros del Gran Rabino. I es aya ke me ambezi ke el Neve Shalom va ser serrado dia de Roshashana. Reelmente fue atristante de saver ke la mas emportante sinagoga; la Sinagoga de Neve Shalom va ser serrada los dos dias de Rosh Ashana. Ay mas de 20 anyos ke kada Kipur me vo a la Sinagoga de Neve Shalom. I me fui mas de dyes anyos para las orasyones de Roshashana. Demandi al direktor del Neve Shalom deke no me bushkaron para kompletar el minyan. Neve Shalom de punto artitektural, para mi es la Sinagoga preferada. I reelmente es un monumento fantastiko. El domo de la sinagoga, su almenara, sus vitrayes, su teva, i todas las partes son reelmente una maraviya. Ke koraje de los dirijentes ke dyeron el echo de realizar esta sinagoga a dos mansemos muevo diplomados de la universitad en el anyo 1948 o 1949. No es muy posivle de ver ke los dirijentes dan un echo asemedjante a dos mansevos;  İlya Ventura ke tenia a penas 30 anyos (nasido en 1919) i Bernard Motola ke tenia a penas 27 anyos (1922). Malorozamente los dos anyos despues abondonaron la Turkiya para ir a Israel i a Canada. Deke fue pekado? Porke estas dos personas eran dos personalidades edukados i reflektavan los entelektuales Djudios turkanos. Espero ke vamos a estar endjuntos en el anyo 5782 en el Templo Neve Shalom diya de Roshashana.

   Shana tova.

 

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın

İLGİLİ HABERLER

İLGİNİZİ ÇEKEBİLİR

Şalom TV GZ

MOZOTROS AİLESİ - İrvin Mandel

MOZOTROS AİLESİ - İrvin Mandel

TÜNELİN UCU - İzel Rozental

TÜNELİN UCU - İzel Rozental