6 Aralık 2021 Pazartesi 11:29

WILLIAM JAMES SIDIS

Syempre me plaze meldar artikolos i romansos de biografiya. En pasadas bushkando un livro, meldi este artikolo ke topi muy enteresante, lo traduizi i lo kije partajar.

Forti BAROKAS Judeo-Espanyol 1071 görüntüleme
21 Ekim 2021 Perşembe
WILLIAM JAMES SIDIS era un djudyo Ruso konosido komo la persona la mas entelijente del mundo.

William, nasyo el 1 de Avril en el anyo 1898 en Boston, en una famiya de emigrantes djudyos Rusos. Su padre Borris Sidis era akademisyen en psikolojia en la Universidad de Harvard. Su madre Sarah Sidis, era medika.

La enteresante i trajika istorya de William, empesa kon la alfabe, ke se la ambezo kuando teniya 6 mezes. A los 18 mezes meldava la revista New York Times i a 3 anyos avlava latin. A los 8 anyos avlava ingles, latin, grego, ebreo, fransez, alman i ruso.
La primera klasa la eskapo en dos diyas, la sigunda en una semana la tresera i kuatrena klasa en 15 diyas i la sejena i syetena klasa en 40 diyas. A los 8 anyos kijo entrar a la universita Harvard i parvino a pasar todos los egzamenes kon buen grado ma malgrado todo, la universita no lo aksepto achakes de su edad.
A 11 anyos, de muevo entro a los egzamenes, por siguro reusho, esta ves fue akseptado i a los 16 anyos eskapo su edukasyon kon buen grado. Despues de kompletar su estudyo en Harvard, empeso a estudyar derecho. Kuando eskapo la sigunda universita, William avlava kaji 40 linguas. 
A lo ke konto su mujer, William se ambezava una lingua en unos kuantos diyas i puediya tradusir en otras linguas. Mezmo envento liguas muevas ma no fue akseptado por los linguistas.
Un diya, su ermano chiko lo yevo a un psikologo i le izo testes de IQ. Las valoles salyeron entre 250 i 300.
Kuando teniya 20 anyos, entro a partidos sosyalistos i komunistos i empeso a azer mitinges en el primo del mez de Mayo. Por esto fue arestado por el governo i entro en prizyon.
Komo su padre era una persona muy kontado kompleto sus anyos de prizyon en su kaza. 
Kuando lo akuzaron, las gazetas se olvidaron de su entelijensa i empesaron a kritikarlo duramente. Los ke lo felisitavan lo arebasharon por sus ideas sosyalistas.
Ansi kontinuo su vida leshos de la sensya. Esta manera, el mundo kedo afrito de una persona muy presyoza i muy entelijente.
William James Sidis muryo en New York en el anyo 1944.

 

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın

İLGİLİ HABERLER

İLGİNİZİ ÇEKEBİLİR

Şalom TV Şalom Spotify'da GZ

TÜNELİN UCU - İzel Rozental

TÜNELİN UCU - İzel Rozental

MOZOTROS AİLESİ - İrvin Mandel

MOZOTROS AİLESİ - İrvin Mandel