25 Ocak 2022 Salı 01:55
DELFIN DEKORASYON
DELFIN DEKORASYON

La seria de filmos en el Netflix

Silvyo OVADYA Judeo-Espanyol 1627 görüntüleme
10 Kasım 2021 Çarşamba

Ay munchos anyos ke la emision del Netflix sovre el enternet fonksyona en munchos payizes. La Turkiya konosio la emision de Netflix en el 2016. I estos sinko anyos dalkavo el sohbet el mas emportante entre las personas es de dar konsejos para ke miren esta seria o la otra. Ke seria estava reushida; i ke seria no estava!

  Unos kuantos anyos antes mi ijo dyo karar de pagar el derecho de pueder segir el Netflix, i todos los miembros de muestra famiya tyenen el derecho de segir. Malorozamente komo esto muncho kargado kon el echo, kon el muzeo, kon el Sentro Sefardi, kon los artikolos ke esto eskrivyendo por el Şalom, por el Amaneser o para otras publikasiones me esta tomando bastante tyempo. Solo en los tres o kuatro mezes dalkavo meldi un alay de livros en diferentes linguas antes ke sean publikados. I esto me toma bastante tyempo. No vos va avlar sovre los proyektos ke no se realizaron dainda. Vos va konfesar ke diya de alhad por la primera vez, ke segi kon mi mujer Lika, los tres primeros filmos de la seria “The Club”. I pasi tres oras para pueder segirlos.

   Kuando empesaron a aparejar el senario del filmo, un Profesor de Istoria ke mos frekuentamos me telefono para demandar syertos evenimyentos istorikos ke bivyeron los Djudios Turkos entre los anyos 1930 i 1955 i ke no estan publikados en los livros.  El era el konsultante istoriko del filmo.  I le di munchos detalyos. Mizmo tuvo la posibilidad de konversar kon dos o tres dammas Djudias ke tenian apenas 15 anyos en el 1955, kuando afito los Evenimyentos del 6-7 Eylul. Kreo ke vamos a ver syertas senas sovre este evenimyento. Avli unas kuantas vezes kon los ke estavan aparejando el senario. I les dishe:  devesh de tomar un konsultante ke se entyende del Djudaismo i de la manera de vida de los Djudios Turkanos. I İzzet Bana kon mi propozision, fue el konsultante de la seria sovre este sujeto.

   Despues me demandaron ke sinagoga puediyan emplear para syertas shenas. I empesaron a vijitar el Maalem de Hasköy, el Beth Yaakov de Kuzguncuk i el Hemdat Israel de Yel değirmeni-Haydarpaşa. A la fin dyeron karar a la Sinagoga Hemdat Israel porke la azara; ande se asentan las mujeres era mas espasiozo. I vemos en el filmo ke es solo la azara ke fue empleado.

   Kuando ay imitasiones de Djudios, de Gregos o de Ermenis, en jeneral mesklan las maneras de avlar en turko. Ma en esta seria de filmos no ay yerros. Puedeser en uno o dos lugares las entonasyones no son muy djustas. Devemos de rengrasiar a İzzet i a los ke realizaron la seria de filmos.

   En el empesijo vemos la Kula i los Djudios ke bivian aya. Ya se ke buen karar de Djudios, miembros de muestra Komunidad lavoraron por el filmo i reelmente reusheron. Ya vemos a Karen Şarhon, a Forti Barokas i otros miembros del grupo de teatro, Amigos para Syempre ke tomaron rolo. Mizmo si fueron figuranes en el filmo, kon los dos byervos ke avlaron dyeron un  aspekto natural al filmo. Devemos de rengrasyar estos djugadores i djugadoras ke pasaron oras enteras para realizar los tres o kuatro puntos del filmo.

   Ya se save ke el Netflix fue fondado en el 1997 por Reed Hastings i Marc Randolph. En primero era una kompanyia ke alkilava i vendiya DVD’s. I el model de oy empeso en el 2007. Despues de esta data fue posivle segir filmos por el enternet. Despues del 2013, Netflix empeso a realizar filmos i serias de filmos ke oy en dia es una kura para los ke no tyenen esfuenyo. Durante la pandemia fue el amigo el mas entimo de la djente. I todos estan muy kontentes de su amistad.

   Puedeser ke va eskrivir un segundo artikolo despues ke va terminar de segir la seria.

 

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın

İLGİLİ HABERLER

İLGİNİZİ ÇEKEBİLİR

Şalom TV Şalom Spotify'da GZ

MOZOTROS AİLESİ - İrvin Mandel

MOZOTROS AİLESİ - İrvin Mandel

TÜNELİN UCU - İzel Rozental

TÜNELİN UCU - İzel Rozental