Produktor de teatro i miembro del Komité de Administrasion de Lehman Brothers Holdings Inc., mos desho la buena vida i sus ovras inolvidavles el 18 de Desembre de 2020, a 90 anyos.
Nasio en Brooklyn, New York, el 27 de Junio, 1930, en una famiya Judia, ijo de Mae Miller i de Peter Sydney Berlind, administrator de ospital.
Estudio en la Universita de Princeton i resivio su BA de inglez, en 1954, despues de kompletar su teza de 82 pajinas, titulada: “La bushkida del Ideal en las Piesas de Yeats i Synge”.
Berlind era miembro del Princeton Tower Club. Peryo su espoza, Helen Polk Clark i los tres de sus kuatro ijos en el aksidente de avion de Eastern Air Lines Flight 66 en el 24 de Junio, 1975.
Roger Berlind fue de los fondatores de Carter, Berlind, Potoma i Weill, ke finalmente se vendio en 1981 por aproksimativamente 930 miliones de dolares en aksiones.
Su kariera teatral empeso en 1976. Fue produktor i ko-produktor de mas de kuarenta piesas i muzikales en Brodway i tambien munchas ovras en teatros rejionales afuera de Broadway.
En 2003 se fundio el Teatro Roger S. Berlind de 360 asientos, en el Sentro de Teatro McCarter en la Universita de Princeton.
El Profesorato Roger S. Berlind, en el Departamento de Umanidades de Princeton, anterioramente en manos de Joyce Carol Oates, aktualmente esta en manos de Tracy K. Smith.
En 2009 Roger Berlind fue inkluido en el famozo American Theater Hall of Fame.
Resivio nombrozos premios Tony Awards.
Entre munchos:
Amadeus, Nine Long Days' Journey Into Night, Passion, Hamlet, Hello Dolly, Death of a Salesman, ets.
Keridos lektores, vos sueto i espero ke el anyo 2021 sea una anyada mas oroza para la umanita...
