La medisina nasio i se kreo en Bergama. El serpiente o la kulevra ke tiene dos kavesas tiene la fakultad de reprezentar la medisina. Es su Amblema...
GALENOS (Galen de Pergamon) se nombra komo ser entre los mas famozos medikos de la istoria mondial. Por konsekuensia es importante ke se konsidere ke deve de tornar a su tierra natal. De ande? De Alemanya!
El ALTAR se arranko de Bergama i se yevo a tierras ajenas.
Oy el Prezidente de la Munisipalidad de Izmir, kon el Ministro de Kultura i Turizmo, empeso su lavoro para salvar lo ke apartiene a la Turkiya.
Sin saver komo se va resolver la prosedura, el Prezidente Soyer tomo la desizion i disho:
"Tenemos razon. Esta istoria asemeja a un bebé ke se arranko del pecho de su madre i este bebé sevrado de su madre se engrandesio, puede ser mizmo en mijores kondisiones, ma yo so una madre! Esta kreatura es muestra... Dunke deve de tornar a su tierra.
Es lejitima muestra demanda. Vamos a segir muestro derecho."
Dias de sol i alegrias...
