El teatro demonstra la importansa para elevar el nivel de un payis, es el barometro de la kultura. Federico García LORCA.
La piesa teatral, eskrita por Euripides, fue prezentada en İstanbul Büyükşehir Belediyesi (İBB), en la shena Harbiye Muhsin Ertuğrul.
29 Septembre - 2 Oktobre.
Tradusido por: ARİ ÇOKONA.
Dirijido por: SERDAR BILIŞ.
La primera gerra entre el este il el oeste.
La armada de Akha esta al punto de salir a la ekspedision de Troya.
La armada marina, para pueder salir del porto ande esta enprizonado i pueder salvarse, aspera i tiene menester de viento.
El komandante supremo, AGAMEMNON, avia matado uno de los santos, siervo de ARTEMIS.
Es por esta kavza ke la diosa le avia dado la penitensia de kortar el viento, privarlos de fuyirsen i meter a todos en prizion en el porte.
La armada aspera la salvasion, alora ke la armada de las 99 monarkiyas del reynado estavan peryendo sus vidas.
Los soldados furyozos no estavan renunsiando a Agamemnon i su famiya, i el payiz entero estava en peril.
El komandante supremo no teniya remedio. La sola koza para rezolver el problem era de sakrifikar su muy valoroza, presioza ija, IFIGENIA komo korban.
Keridos lektores,
Esperando profitar de las piesas, sin sar i sin mal.
Dias alegres...
