Siempre mos aze pena kuando un kerido se desaparese de muestra vida. Dizen ke “la muerte no tiene edad”. Mi granpapa se muryo kuando teniya 93 anyos. Dainda lo yoramos. Ma kuando un mansevo perye la vida, moz aze muncha pena i mos da dolor de korason. Sovre todo si lo konosemos desde munchos anyos, esta pena se dobla. I si este mansevo tiene muncha valor, seya en su karakter seya en sus ovras, akel tiempo sientes una manziya.
A Henri Çiprut lo konosiya desde ke el teniya 7 anyos porke era el amigo de klasa de mi ijika la chika. Despues de anyos mos renkontrimos en el grupo de Judeo-espanyol del Şalom. Un mansevo muy entelijente i plazentero. Kero dizirvos komo me embaraso muncho este haber. No me se esta indo la mano a eskrivir “Ke su alma repoze en Gan Eden”.
Prezento mis kondoleensas sinseras a su kerida famiya i a su ijiko Daniel, ke espero ke va kaminar en el kamino de su padre.
