Mansevo de 48 anyos, de ke te fuites tanto presto, en deshando de detras de ti todos los ke te keren byen?
Sempatiko, kon tus ideas diferentes, eras el prens de las aktividades de los Dias del Ladino, kon tu entelijensya, los ojikos briyando, kon tu saverisyo…
Aaaahhhh ah ah, esto muy triste de tu mankura a kavza de esta hazinura maldicha ke mallogro a munchas famiyas.
Me esto akodrando las avlas ke izimos en las universidades sovre el Ladino, endjuntos kon ti.
Komo de ermozura ke lavorimos endjuntos para aparejarmos… Veramente era un grande plazer para mi de konoserte i de ver tu amor por el Ladino. Izites muncho esforso para esta lingua presyoza i reushites.
Eras un buen marido, un buen ijo, un buen padre i un muy buen amigo, mas ke amigo, un aliado.
Syempre me va akodrar de ti, de tu kara de riza i nunka no me va olvidar, no mos vamos a olvidar de ti, kerido Henri.
Ke tu alma repoze en Gan-Eden.
Tu amiga ke te kere muncho byen, Şeli GAON.
