Uno nasio para matar personas debasho la tierra komo ajan de la KGB i un dia se izo prezidente. El otro nasio para azer riir las personas i ansi lo izo en TV, i un dia se izo prezidente.
El primer, para amostrar ke dingunos en el mundo esta en su altura, kon el intermediario de las armas, desido a invadir el paiz ande el aviya nasido.
El Oksidente penso ke el sigundo se va entregarse imediatamente kuando las trupas rusas van a invadir su pais... ma se yerraron.
Kuando lo yamaron al Prezidente Zelensky a los Estados Unidos, ofresiendole un avion para salir de Ukrania endjuntos kon su famiya, el respondio: "Lo ke tengo menester son baterias anti-tank, no vakansas." Le respondieron: "Si es ansina ke vengan tu mujer i tu famiya."
Eya respondio, ke solo kere estar al lado de su marido, i ke no iva yorar, i ke esta pronta a dar su vida por su paiz.
Sinko dias de la envasion ke Putin aviya planifikado ke iva durar manko de 48 oras, en una fraksion ensuportavle amenaso el mundo kon una ataka nuklear.
El puevlo de Zelenski i su mujer, Olena resistieron los monstruozos tankes rusos kon bombas echas en kaza, barrikadas en los kantones, mezmo metiendo las bisikletas delantre.
El jenosido no estava aparejado por asemejante rezistensia, no estava preparado para semejante resistensia. El puevlo estava pronto para dar la vida porke el Prezidente i su mujer estavan gerreyando al lado de eyos.
Mezmo ke estavan echando misiles, un pais ke gerreyo 30 anyos para ser libre i demokratiko suporta i reziste el fuego.
Volodimir Zelenski i Olena Zelenska tienen 44 anyos.
"Si un diya tenesh tiempo, puedesh ambezarvos lo ke sinyifika el ONOR I EL AMOR POR LA PATRIA!" Dr. Ernesto Castellote
