SUZAN NANA TARABLUS

“La pajina en Judeo-Espanyol, la meldo siempre. Sera un plazer de tomar parte en eya. Te rengrasio, kerida Esti.

Partisipi por Zoom a la seremonia de distribusion de premios.

Yo resivo este premio valorozo al nombre de los amigos ke eskriven i kolaboran por muestro Dergi-Şalom. Si no egzistian, este ebdomadaryo no egzisteria.

‘Mirasım bilgi ve kültürü kucaklamak’ (Mi erensia es abrasar el konosimiento i la kultura). Vamos a kontinuar kon una mueva ardor i enerjia.”

Savia, muestra kerida Nana, umanista, ke koensido a la semana de la perasha "Shabat Ahodesh" ke selebrimos el 2 del mez de Nisan (La mueva luna)?

Es la primera mitzva, lo ke mos konta la perasha:

“Kuando el puevlo Judio, saliendo de Ejipto, reusho a ser un puevlo libre, dando loores a muestro Kriador, penso komo valorizar el tiempo libre.”

Nana lo savia tambien, ke mos motivo a eskrivir i, por konsekuensia, kon su afabilidad, biveza, animasion, supo unirmos i azermos valorizar muestro tiempo libre (la mitsva).

Rengrasio la F.K.D. por el premio, la editora Gila Erbeş, Bella Parlakşimşek, i los eskritores, desinatores, artistos, grupo de reklames, i todos tomando parte en el mensual.

Sera un grande plazer de kontinuar a eskrivir por DERGİ-Şalom, kerida Nana.

Munchas grasias!